Shillong Lyngkot -Ka Kynhun Myntri ka Sorkar MDA ka la ialam ia ki kynhun Myntri ban pynlong ia ka jingialang kabinet ia kaba la pynlong ha Sohra Polo Orchid ha ka jingialam U Myntri Rangbah ka Jylla myn 10 tarik Kyllalyngkot.
Ha jingialang jong ka kynhun myntri ha Sohra la shim katto katne ki rai kiba kongsan bha ha kaba iadei bad ka bor pisa jong u executive engineer. Ha ka tnad ri dohkha, ia ka jingaiti ia ka bor pisa tyngka la ai ha u executive engineer iathuh u Conrad K Sangma sha ki lad pathai khubor.
La ong ruh ha ka kynhun myntri ba la rai
Kam shym la don mynshuwa, kaba mut ba u executive engineer um lah ban pyndep, ia ki kam kiba rit bad hap ban leit wad jingmynjur man ka por bad ia kane la leh katkum ki kyndon.
Ha kiwei pat ki tnad ha kaba u nongpyniaid u don katto katne ka jingai bor ia ka pisa tyngka. Kumta kaei kaba don ha kiwei pat ki tnad ka jinghikai kaba kum kata jong ki bor pisa la ai sha u nongpyniaid ha ka tnad ri dohkha.
Kaba ar, na ka bynta ki nongtrei kam Sorkar ka la rai ba na ka bynta ki nongtrei sorkar, kiba shah pynkylla ia ki dkhot met jong u briew. Ngin ai shuti shuh shuh haduh hynriew bnai na ka bynta kata ka jingsumar kyrpang ne kata ka jingpynkylla met kyrpang ban long. Kumta kane ka long halor bad kiwei pat ki kyndon kiba don hangta na ka bynta ka shuti.
Kaba donkam ka sorkar mynta ka sngi ha ka kynhun myntri ka la rai ban ai por haduh 6 bnai, ia ki nongtrei sorkar kiba don ha ka jingpang Kylla dkhot met ban pyndap na ka bynta ki shakri sorkar kiba dang iaid lyngba, ka jingkit ia ki dkhot met jong u briew ha ki por jingshitom ban sumar(Transplant)