Resubelpara North Garo Hills – Ha ka sien ba nyngkong eh ka Sorkar MDA 2 ha ryngkat ka kynhun Myntri ka la hiar sha North Garo Hills District ha Resubelpara ban pynlong ia ka jingialang Myntri.
Ha ka jingialang ka kynhun Myntri ban la khot da u Myntri Rangbah ka Jylla u Conrad K Sangma ia kaba la pynlong ha Conference Hall jong ka Deputy Commissioner Resubelpara myn ha ka 23 tarik u Risaw.
Ka Mat 1 ba la shim rai ha ka kynhun Myntri ka long ka long ka Medical Kolej iathuh ka Kong Ampareen M Lyngdoh Myntri ka tnad ka Koit ka Khiah sha ki lad pathai khubor hadien ka jingialang kynhun Myntri.
Ka Myntri ka iathuh halor ka Medical Kolej ban pyniaid ne pyntreikam ka long la shim na ka ain jong ka Meghalaya Private Medical Institute kaba iadei bad ka jingpynbeit ia ka bai rung skul katkum ka Aiñ 2024 ba la buh kyrpang ia ka skul 2024 ban bud ia ain jong ka Meghalaya kolej ban pdiang ia ki skul MBBS 2024. Ka kynhun myntri ka la pynbeit ia katei ka ain bad kan sa iakynduh biang na ka bynta ban thaw ia ka komiti pyniaid.
. Ka sorkar ka la shim rai ia ki kyndon ban ai ia ki iing wai, ki flat, ki quarter hapoh ka skhim ai wai iing, sha ki nongtrei sorkar bad ki paidbah nongshong shnong jong ka jylla Meghalaya.
Ka tnad GAD, ka tnad iing ka la rai ban shimkhia ia ki mar ki mata jong ki, ban bishar bniah ia ki mar ki mata jong ki bad hangno hangno ba donkam, la buh ia ki kyndon na ka bynta ka Govt. Ki jaka sah bad la ailad ia ka tnad shna iing bad ka lad ban rai ia kaei kaba ki donkam ban leh ha ka jaka kaba ki don.
U Myntri ka tnad iing u la ong, “Na ka bynta ka jingai jaka ha man la ka distrik jong ka Steel. Ngi don ia ka jaka shna iing, ka sorkar ka la dep thaw. Kumta ia kine ki iing ka tnad ka la dep thaw ia ka MIG- ki iing jong ki kynhun ba kamai pdeng, ki iing jong ki kynhun ba kamai duna bad ka la dep ai run ia ki nongtrei Sorkar Ngim shym la don kano kano ka kyndon na ka bynta kata bad uno uno u bym siew bai wai Ngim don kano kano ka kyndon ban pynjari ia kata Ngim don kano kano ka kyndon kaba ngi pynshong nongrim. lah ban shim khia Kumta namarkata la thaw ia kine ki kyndon mynta ka sngi ban don ka kyndon halor ka mat ba la iakren.
Kawei ka mat jong ki nonghikai SSA Ka rukom thung kam ha ki skul sorkar jong ka SSA. Ka jingpynjari ban pyntreikam ka jingthung kam ia ki nonghikai sorkar iathuh u Rakkam A.Sangma.
U Rakkam Sangma u la ong ba ia ka rta kaba ha khlieh duh ban thung kam ia ki nonghikai SSA la pynjlan sha ka 45 snem ryngkat bad ka jingbud ia ka rukom aplai namar ba ki don bun ki nonghikai SSA kiba la tbit kiba shakri ha ka Sorkar hynrei ki la palat ia ka rta, ki lah ban apply ban thung kam sorkar