Shillong – Ia Ka Dorbar Mang Tyngka jong ka Khasi Hills Autonomous District Council (KHADC) la wànrah mynta ka sngi ha Iingdorbar Thaw Ain jong ka Khasi Hills Autonomous District Council da u Bah Titustarwell Chyne Chief Executive Member.
Ha ka sngi sdang jong ka Dorbar Mang Tyngka na ka Liang ka EC ka la wànrah bad pynsngew ha Iing Dorbar ka Konsil ba kan long shwa na ka bynta jong Lai bnai kaba ban Treikam naduh ka 1 tarik u Iaiong haduh ka 30 tarik u Jylliew 2023 bad ia ka mang tyngka Bapura jong u snem 2023 bad 2024 yn Sa wànrah pat hadien iathuh u CEM.
U Bah Titustarwell Chyne u la pynsngew ha ka Iing baroh kawei kane ka mang Tyngka ka long haduh 9 tylli ki Grant Kiba kynthup ia ka General Administration Department ka Tnad Law, Revenue Budget bad Finance, Forest, Administration of Justice bad Judicial, Legislative, Education, Civil Works bad Development bad ka Enforcement Scheme for Protection of Tribal Land Forest & Interest Department.
Ka jinglut mang pisa ka long Sawphew hynriew klur Arphew hynniew lak khat hynriew Hajar Shispah Khyndai phew tyngka (46,27,16,190) Klur tyngka
U CEM u iathuh katei ka jinglut baroh long ka jingmang Pisa ka long ban siew tulop ia ki dkhot jong ka Counsil ki ophisar, ki nongbishar, ki nongtrei ha ki tnad bapher bapher kaba kynthup lang ia kiba la shong thait.
U Bah Titus u bynrap lang katei ka jingpynlut ka la kynthup lang ia ki jingpynlut na ka bynta ki kam pynroi ia kaba ka Counsil ka la ioh Pisa na ka 15th Finance Commission.
Na ka Liang U Lamphang ka Iingdorbar u bah Lamphrang Blah u la pdiang ia katei ka Mang Tyngka.