Shillong – Ka KHADC ka la wanrah ia ka vote kaba T.34.44 klur ha ka account budget.
“Ka vote on account kaba kot sha ka 34,44,55,600 kan treikam naduh ka 1 tarik u Iaiong 2025 haduh ka 30 tarik Jylliew 2025”, la ong u executive member ka Pla Tyngka ka KHADC u bah Seiborlang Warbah haba wanrah ia ka mang tyngka ha ka sngi ba nyngkong jong ka dorbar mang tyngka kaba la long hangne.
U la pyntip ba ïa ka mang tyngka ba pura yn sa wanrah ha ka dorbar ban wan jong ka Council.
U la ong ba ka mang tyngka kan ailad ia ki dkhot ba dei peit ban siew ia ki katto katne ki jingsiew ki ban wan ha ka por ba kut ha ka 30 tarik u Jylliew .
U Bah Warbah u la pyntip ruh ba ka jingthep vote on account budget ka thmu ban pynïoh ïa ka tulop jong ki dkhot ka konsil, ki ophisar bad ki nongtrei jong ki tnad treikam bapher bapher (executive, legislative bad judicial) kynthup ïa ki nongïoh penshon.
Na ka jingmang pisa baroh kaba T. 34.44 klur, la mang 8,52,29,550 tyngka na ka bynta ka tnad General Administration, T.17,65,910 – ka tnad Law, Rs 2,65,38,350 – Revenue Budget & Finance Department, 47,500 tyngka. T. 1,70,52,930– Tnad pynïaid ka aiñ bad ka tnad bishar, T. 2,27,65,040 – Tnad thaw aiñ, T. 3,87,640 – Tnad Pule Puthi, T. 15,82,93,940 – Tnad Kam & Pynroi, T170,1700. Enforcement Scheme ban iada ia ka khyndew ka shyiap & jingmyntoi jong ki jaitbynriew.
Shuh shuh u bah Warbah u la ong ba ka executive committee ka kwah ba ka KHADC kan pyni ia ka nuksa kaba bha da kaba wanrah ia ka jingsynshar kaba bha bad kaba lait na ka bamsap katkum ka riti synshar ka ri India.
“Ka EC ka wad ruh ban wanrah ïa ka rukom treikam kaba thymmai ban pynbha ïa ka jingtreikam jong ka konsil,” u la bynrap.