Shillong Rymphang 27: U Bah Pala ba ula shu lapmiet tang ka ktha sohot baroh san snem bad ki paidbah kila babe ba la jied ia u namar u shong ha kyndong.
Lada ki paidbah ki kwah jingkylla u haba kyntu ia ki dei ban nang noh ha ka ban jied Nongihkhmat namar ka BJP kan dang wan ha ka bor bad lada pynjop ia ka Dr. Fenela, kan wanrah ia ka dud bad ka ngap ia ka jylla Iathuh u Bah Sanbor Shullai sha ki lad pathai khubor hadien ba ka jingleit kynduh ia u President ka Party BJP u Rickman.
U Bah Sanbor MLA ka BJP na South Shillong Constituency ha jingai dorkhas ha u President ka BJP Meghalaya ba dawa dei ban ai tiket MP-Lok Sabha na Shillong sha ka Dr Fenela Lyngdoh Nonglait ha kaba u Bah Sanbor Shullai u kyrshan met bad mynsiem.
U Bah AL Hek um shim la pan tiket hynrei shu paw kyrteng tang ha ki kot khubor bad kum ki nongialam ka seng kin iatylli lang kawei na ka bynta ban iatrei na ka bynta ka Kong Fenela Iathuh u Shullai.
U Bah Sanbor ula ong ka Kong Finela kadei ka kyrtong kaba biang tam ban iakhun ia ka elekshon na ka seng BJP namar kadei ka briew kaba ki paidbah ki ithuh ithaw bha bad kadei ka briew kaba la nang la stad bha bad ka BJP ka long kaba donbok da ka jingdon ki nongialam kum ka Kong Fenela bad lada kan jop ka Shuki Myntri la ap lypa.
Lada ki paidbah ki jied pat da kiwei, ka long kaba thikna ba kin shu bam sohot baroh 5 snem” bad ki paidbah kim dei ban shu biej jingrwai
Shuh shuh u bah Sanbor u Iathuh haduh mynta dei tang u Bah Ernest Mawrie uba la thep kyrteng bad un pynsngewthuh ia u ban weng kyrteng noh ialade na ka jingpan tiket ban kyrshan beit ia ka Dr Fenela bad ngan leit ruh ban iakynduh ia u Bah AL Hek ban iatreilang bad iatylli lang kawei ban pynjop ia ka kyrtong ka BJP ha ka elekshon MP Lok Sabha” ong u Bah Sanbor.
Ula ong ba ia kane ka dorkhas, u President ka BJP Meghalaya un sa phah lang sha ki nongialam ka BJP kiba kynthup ia u Chubba Ao bad u Ritiraj Sinha ban pynpaw ba ki ai jingkyrshan ia ka Kong Finela ba kan long ka kyrtong MP jong ka seng BJP.