Shillong – “Wat pynlong khiewja kai ia ka Kam Issue khappud ioh kan kyrtoh Kylla Sha lade” pynsngew U Myntri Rangbah ka Jylla U Conrad Kongkal Sangma hynne ka sngi balang, halor ka jingkynthoh u Nongïalam ka All India Trinamool Congress (AITC) kaba don ha ka Liang Pyrshah u Dr. Mukul Sangma.
Na ka Liang U Conrad K Sangma u pynsngew ia ka All India Trinamool Congress (AITC) kaba don ha ka Liang Pyrshah, ba kan kiar na ka jinglehkai Politik iaka kam pynbeit pud haba pynmaw ba ka soskular pynbeit pud bala iasoi bad ka Assaam ka dei kaba la pynshong nongrim na ka map bad ka kaiphod jong u snem 2011 bala aiti hi da ka Sorkar Congress ba ialam hi da u Dr Mukul Sangma.
U Çonrad K Sangma u kyrpad ia ka Liang Pyrshah (AITC) ba kine kim dei ki kam ban leh politics namar ki paidbah ka Jylla kila dep shah jingjynjar da Ki snem.
Namar ka jingkynthoh kaba tyngeh ia ka jingkren u Nongialam ka AITC bad Myntri Rangbah barim ka Jylla Dr Mulul Sangma uba ong ba ka AITC kan sa pynkylla biang ia ka soskular bala iasoi hapdeng ka Meghalaya bad Assam, lada ki paidbah ki jied ia ka AITC ba kan shimti ia u lakam ka jingsynshar ha u snem 2023 na ka Liang U Conrad um sngewbha um sngewbha tynnad ia katei ka jingkynthoh.
U Çonrad U iathuh aiu Ki la Leh ha Ki 8 snem ba leit bad ba U Dr. Mukul Sangma u dei u Myntri Rangbah ha katei ka por. Um lah ban sngewthuh balei ba ki don ia kum kane ka jingsngew. Nga tharai ba ki dei ban kmen bad ngi la lah ban pynbeit ia kane ka kam kaba jwat bha” ong u Conrad.
U Conrad ula ong ba u Nongialam ka Liang Pyrshah (Dr Mukul) ula kren ia ka jingsorjamin kaba thikna bad ki map jaka hynrei ki map bad ki kaiphod ki dei kiba laaiti da ka Sorkar ha u snem 2011. Namar kata, lada dei ban iajngoh ia ki map ha ka kitei ki por, la dei ruh ban iajngoh ha u snem 2011-2012.
U Conrad ula ong ba kampher lada dei ka Sorkar Congress ne NPP, ka mat hi ka long baka Sorkar Meghalaya ha u snem 2011 kala iaid lyngba ki map bad kala aiti ia ka kaiphod sha ka Assam bad ka don tang 12 tylli ki jaka kiba don hapdeng ka jingiakajia.
Ka Jylla Meghalaya bad Assam kila iasoi ia ka soskular pynbeit pud ha ka 29 tarik Lber 2022 ban iapynbeit noh ia ka jingia kajia ha ki hynriew tylli ki jaka ba iakynad bad ia kane ka soskular la iasoi ruh ha Nongbah Delhi hakhmat jong u Myntri kam pohiing ka Ri u Amit Shah