Wat wan mushlia ia ka bam ka dih ki briew Jylla maham ka Myntri ka Koit ka Khiah ia Gau Dhwaj Sthapana Bharat Yatra

Ka Jyotish Peethadheeshwar Shankaracharya Avimukteshwarandah kaba thmu pynlong ia ka Gau Dhwaj ban pynbna ia ka masi kum ka kmie jong ka Ri ha ka 2 tarik Risaw ha Shillong ka pynlong ia kiba bun Balang u paid ka jylla ban bitar ba wan tuklar ia ka bam ka dih ki paidbah jylla haduh ba ki seng Bhalang ki la mih ban pyrshah.
“Ka jingthmu jong ka Gau Dhwaj Sthapana Bharat Yatra ka long ban kyrsiew thiah ia ki briew ba mane ia ka Masi, pyniatylli ia ki.
Ka Myntri ka Koit ka Khiah ka la wan shakhmat ban pynrem ia ka jingthmu jong ki kynhun ban wan khang ia ka bam dih khamtam ia ka dohmasi kaba dei ka doh kaba bang tam jong ngi ki Riewlum iathuh ka Myntri ha ka jingiakynduh sha ki lad pathai khubor hadien ka jingialang ki nongwad kam ha State Convention Centre.
Ka Kong Ampareen M. Lyngdoh ka maham tyngeh ia ka kynhun ban wan khang dohmasi kim dei ban wan tuklar ia ka kam bam leh aiu jong ki ka jylla.
Ka Myntri ka byrthwn ka kynhun pyrshah khang dohmasi ki dei pynlong i ban ialap sangeh bam doh masi ne ban kheiñ kordor ia ka masi, na ka liang jong ka kum ka nongshong shnong ka jylla kiwei ki bym dei ki briew ka jylla kim dei ban mushlia.
Ka Myntri ka iathuh haba kim dei ki nongshong shnong ka jylla ki dei ban burom bad ban im kum ki briew ba iasngewthuh bad kim lah ban leh trai ha Jylla kiwei iathuh ka Kong Ampareen M Lyngdoh.