Ym kwah ka shnong Umling ban kylla kum ka Byrni Hat ka jaka ba jaboh tam ha pyrthei

Shillong 17 iaiong – Ka jinglehkhuid ia ka mei mariang la ia ki um ki wah ki khlaw ki btap ka long kaba donkam tam namar ka ai jingim bad ai kamai kajih ia u khun bynriew kumba la buh da u Blei ha pyrthei.
Pynban u khun bynriew u dei u nongpynjot bad u nongkhwan spah tang ialade ban ioh pisa khlem pyrkhat ia ka lawei
Ka kynhun ki samla na ka shnong Umling Ribhoi District ryngkat ka Seng Hynñiewtrep United Awakening Movement Umling Circle myn ha ka 17 tarik u Iaiong ka la leit pynkhuid ia ka wah Umling kaba don ha Shnong Umling Dong Surok namar ka jingpynjaboh ki briew ia katei ka wah da kaba bret pathar ia ku bilor kyiad, plastik bad ki tiar mynsaw kiba buh jingma ia ka shnong.
Ka kynhun ki samla ha jingialam u Bah Shanbor Marbaniang ki la pynkhuid ia katei ka wah naduh mynstep ia kaba ki la iohlum haduh 3 pickup ka nuit na wah naduh ku bilor ba la pait, ki plastik bad ki kot ophis ka Tnad transport ka Sorkar Jylla.
Ka jingmih ku samla bad ka jingjaboh jong ka wah ka dei na ka jingleh bym suitñiew ka tnad transport kaba buh ophis ban peit ia jingthew jingwoh Weight Bridge ia ki kali kitmar kiba kiew sha Jylla Meghalaya.
Ka tnad Transport bad ki briew jong ka ba peit ia ka thew ka woh jong ki kali kitmar ia kaba kim shym la lah ban tehlakam ia ka khuid ka suba ia ka wah namar ka iaid na ka jaka jong ka.
Na ka liang ki kynhun samla kiba pynkhuid ia ka wah Umling ka dei na ka jingud ki paidbah nongshong shnong bad ki trai bri khyndew kiba rep ba riang ha shilynter syndah jong ka wah Umling bad ba don ka Ophis Weight bridge.
Ia kaba la kynnoh beit ia ka tnad Weight Bridges bad ki briew jong ka kiba pynjaboh ia ka Um namar ka jingbret ia ki kot jingthoh ophis da phew hajar tylli ia kaba la pynkei sha wah ka la ktah pat ia ki trai shnong kiba ju pyndonkam ia katei ka um.
Na ka jingtrei shitom jong ku samla ki la lum bad khat katba lah ia ki ñiut ki ñier ki bilor, plastik bad pynkit da ka kali shuh shuh katba ia ki bilor, ki plastik ki la lum ban die tiar jot.
Kum ban shu pynkynmaw ka thaiñ Byrnihat ka la dei lypa ka jaka ne ka shnong ba la pynhap kum ka nongbah ba jaboh tam ha pyrthei namar ka jingmih ki tdem na ki kharkhana.
Na ka liang ki nongialam kynhun samla bad ki longkmie ki don ban ong kumne