Shillong, Jymmang 30: Ka sien ba nyngkong ha Jylla Meghalaya ka ban Jia ba ka khlieh jong ki HEH PULIT KA JYLLA ka Kong Idashisha Nongrang kaba la KHOT la WER ia ki paidbah ban wan ia kynduh ia ka ha Ophis Ka Director General of Police (DGP) mam la ka Sngi Palei.
Ka Kong Idashisha Nongrang DGP kaba la khot la wer nyngkong eh ia ki paidbah ban iakren halor ki jingeh jong ki paidbah bad ki mat kiba ktah iaka Jylla.
Hadien ka jingiakynduh ia 22 tylli ki kynhun bad ki riew paidbah, ka Kong Nongrang ka iathuh sha ki lad pathai khubor kaei kaei kaba sngewtynnad ban ioh kynduh iaki paidbah na kylleng ka Jylla.
Ki don kiba wan pynsngew iala ki jingujor, ki don kiba wan pan jingiarap, ki don ar kynhun kiba wan iakren halor ki Pulit kiba khlad haka por trei bad kila dawa ban ai kam bad ngi la buh jingthoh ia kine baroh.
“Ki don kiba la phone namar ba ki kwah kynduh ha kiwei ki sngi bad nga la ong ki lah ban kynduh hynrei ki hap ban shim jingbit hynrei mynta ka sngi, ki lah ban shu wan beit” kala ong.
Ka DGP kala iathuh ba ki don ar kynhun kiba la wan ban pynsngew iaka jingeh ki briew ba duna dkhot met (people with disabilities) bad kila kyntu ban ai jinghikai pyntbit iaki Traffic Police khnang ba kin nang ban iadei bad ki briew ba duna dkhot met.
Halor kane ka DGP kala kular ban leh eiei mardor.
Ka Kong Nongrang kala kular ban leh eiei halor ka jingdon ki nongthaw jingkulmar ha kylleng ki jaka ka Nongbah Shillong.
