Yn ap rai na ka Iing Bishar lada ym lah ban leh ei ei ka Seng kan phai da kawei ka lynti

Halor ka mat Lum Survey ba ka HYC kaba la dep khynra ha ki bnai ba lah ha kaba iadei ka jingshong beaiñ jong ki briew bym lah tip na ka liang ka DC ka la lum ia ka jingialangiashim bynta da u Superintendent of Police ka District, u CEO ka Shillong Contonment Ment bad u President bad Secretary ka seng Hynniewtrep Youth Council (HYC).
Na ka liang ka HYC haba ioh ban iakren sha ki lad pathai u Bah Roy Kupar Synrem u la iathuh naba ka Iingkashari kala pynmih ia ka stay order, ngi hap ban ap ia ka hukum jong ka hadien ba dep shong bishar ha ka 19 tarik Nailar. Halor kane ka nongrim, u DEO un sa shim ia ka rai” ula ong haba bynrap ba ka jaka kam dei satia jong ka Sorkar Jylla hynrei jong ki bor shipai.
U President ka HYC Roykupar Synrem ula ong ba ka Council kan ym banse ban shim ia ki sienjam ba tyngeh lada kine ki nongshong beain kim shah kyndang noh na Lum Survey hadien ka 19 tarik Nailar.
Na ka liang ki i bor District ka East Khasi Hills ha ka sngi Balang, kala hukum ban buh ia ki Pulit ban pahara ha Lum Survey khnang ban pynthikna ba kan nym don ka jingthut ka shongsuk shongsain ha ka sngi shong bishar ka Iingkashari ha ka 19 tarik Nailar iathuh u President ka HYC.
Shuh shuh u Bah Roy u iathuh halor ka kaiphod jong ka jingwan jurip ba pynlong ha ka 8 tarik Jymmang, ka Deputy Commissioner kala pyntip ba u Defence Estate Officer ula pyntip ba nalor ki lain gut (kiba la ujor sha Iingkasahri), ki don ruh kiwei, kiba sah beain ha Lum Survey.
Nalor kane, ka DC ka pyntip ba ki don palat 80-90 tylli ki Iing ha Lum Survey kat kum ka jingleit survey bala pynlong da u DEO. “Kine ki briew kila shong la shah ha kane ka jaka khlem ka jingbit. Ki dei kiba beain bad kiba shong khlem jingbit” kala bynrap.
Ka HYC ka iathuh ka jinghiar jurip dang shen haduh ba la sei madan ba bun ki briew ba sah ha kane ka jaka ki dei ki ba sah beain.
Kumta ka Seng kan ap ia ka hukum ban pynmih da ka Iingkasahri hadien ka 19 tarik Nailar, lada ym leh eiei ia kine kiba sah beain, ka don lynti da kumwei hynrei ban leh eiei hi dakaba tyngeh” maham ka HYC