MANIPUR : Ka jingïakynad kala nang iai jur shuh shuh ha Manipur katba ka jingkhang dam ka la ktah ïa ki kato katne ki bynta jong ka thaiñ ba don ha them mynta ka sngi, kaba la mih na ka jingïakynad kaba nang jur hapdeng ka bor synshar ba la ïalam da u Lat bad ki sengbhalang halor ka jingïalang kaba kongsan tam jong ka jylla halor ka Tamasa Sangai, kaba la buh ban sdang ha ka 21 tarik u bnai november
Ia kane ka tamasa, kaba la pynsangeh noh ha kine ki ar snem namar ka jingiakynad hapdeng ki ar jaitbynriew, ha kaba ia mynta ka don hapoh ka jingsynshar President Rule naduh u bnai february. Hynrei katto katne ki seng bhalang, kynthup ïa kawei ka seng ba pawnam jong ki Meitei, ki la khot ïa ka jingïakhih naduh dang step haduh ban da miet ha ka 21 tarik unovember, da kaba kyntu ïa ki paidbah ban pyrshah ïa ka rai jong ka sorkar ban ïaid shakhmat ia katei ka festival.
Ha pdeng jong ka jingïakhih ka don ka jingkhot ban khanglad ba la pynmih da ki briew kiba la shah pynkynriah jaka, kiba ong ba ym lah ban pynlong ïa ka tamasa katba ki hajar ngut ki briew ki dang sahkut ha ka jingïakynad jaitbynriew kaba dang ïaid shakhmat.
Wat hapdeng ka jingpyrshah kaba nang jur hynrei ka bor synshar ka dang ieng skhem. Ha ka jingpynbna ba la pynmih ha ka 18 tarik u bnai November, u Chief Secretary Puneet Kumar Goel u la kyrpad ïa ki paidbah jong ka Manipur kynthup ïa ki jaidbynriew kiba la shah pynkynriah jaka ban pynjlan ïa ka jingïatreilang kaba pura ban pynthikna ïa ka jingjop kaba khraw jong kane ka tamasa.
Ha kajuh ka por na ka liang ka seng COCOMI ka ther ia ka sorkar Manipur kaba la thmu ban pynlong da ka bor ia ka Tamasa Sangai wat hapdeng kiba bun ki jingeh kiba ka jylla ka dang iai mad haduh mynta.
Wat hapdeng ka jingïakynad kaba dang ïai bteng bad ki surok bah kiba la khang, ka jylla ka dang pynbor ïa kane ka jingïalang kum ka “PR stunt” ban pynlong thok ïa ka jinglong kaba thikna. U Convenor jong ka COCOMI u Athouba Khuraijam u buh jingkylli ia kane ka jingleh katba da ki hajar ngut ki IDP ki dang shem jingeh ha ki jaka ai jingiarap.
Ula kyntu ia ki paidbah ban khanglad,da kaba kylli Hato ka long kaba dei ban lehkmen haba ki briew jong ngi ki shah pynshitom? Ka jingleh ba sngewsih shibun jong ka sorkar, khlem da khein snep ia ka jingsngew jong ki paidbah.