U Myntri Ka tnat Social Welfare u Bah Paul Lyngdoh u la pyntip Ministry ka Sorkar Pdeng ban mang tyngka naka bynta ban iarap pisa iaki Dorbar Shnong ba kin thaw bad pynim iaki Village Defence Party (VDP) ban iakhun pyrshah ia u droks Hadien ba la wai ka jingialang jong ka Drug Reduction Elimination & Action Mission (DREAM) ban rakhe ia ka International Day against Drug Abuse and Illicit Trafficking hynne ka sngi Balang.
Ka tnat Social Welfare ka Sorkar Meghalaya ka dang iakren bad ka Sorkar India ban iarap pisa iaki Dorbar Shnong kadei naka bynta ban iakhun pynduh jait ia u Drok hapoh ka Jylla Meghalaya baroh kawei.
“Ki don tang 11 tylli ki VDP hapoh ki shnong ka sor Shillong kiba dang treikam bad kiba dang khlain haduh mynta hynrei ki don bun ki shnong ki bym pat don VDP bad ngi khmih lynti ba kin sa thaw noh ia la ki VDP ki ban long kat kum ka ain” ula ong.
Ki bor Sorkar ki kwah ban rat dkhong ia u drok napoh ka Jylla kumta ka Sorkar ka kwah ba ki Dorbar Shnong kin pyntreikam bad pynkhlain iaki VDP iathuh. U Bah Paul Lyngdoh.
U Myntri u pyntip ba ka jingthaw bad pynim pat ia ki VDP kan sa sdang noh shem hadien ba ka Sorkar kala lum lut ia baroh ki jingai jingmut na ki Dorbar Shnong haba iadei bad ka Ain kaba khmih ia ka jingthaw ia ki VDP.
“Ngin sa ioh lut ia baroh ki jingai jingmut hashuwa ban kut une u bnai ba mynta” ula ong.
U Myntri ula pyntip ba hadien bala ioh pdiang iaki jingai jingmut naki Dorbar Shnong, ka tnat Social Welfare kan sa thoh bad iakren bad ka Sorkar Pdeng haba iadei bad ka jingmang tyngka ban iarap iaki Dorbar Shnong hapoh ka Jylla.