Lber, 2024.. U Myntri Rangbah ka Jylla Meghalaya u Conrad K. Sangma ha ka sngi Palei u la ong ba ka sorkar kan sa thmu ïa ki lad ki lynti ban wanrah ïa ka jingsngewthuh halor ka juk “Meghalaya Age”. U myntri rangbah u la pynbna ia kane ha ka prokram ia kren bad ki nongioh jingmyntoi na ka CM – Elevate bad Focus, kaba la long ha Shillong bad la iashim bynta da ki district bad ki block bapher bapher na kylleng ka jylla.
U myntri rangbah ka jylla ha ryngkat ka myntri ka tnad rep ka riang ka Dr. M. Ampareen Lyngdoh bad ka myntri ka tnad ri mrad ka kong A.L. Hek ki la pynher lama iong ruh ia ki kali jngohkai pyrthei kiba la shah sanction hapoh ka CM-Elevate.
Ia kane ka jingiarap la ai jingmut da uwei u nongseng kam seng jam na ka shnong Mawmluh, East Khasi Hills. U la ong ba ia ka “Juk Meghalaya” la iakren ha ka pyrthei da ki riewstad khyndew bad kan long kaba biang ia ki paidbah ban tip shaphang jong ka. Ia ki 4,200 snem ba la leit noh la khein da ka sorkar kum ka Juk Meghalaya, kaba pyni ia ka por kaba kyrpang ha ka histori jong ka Pyrthei.
Ki nongwad bniah ki pyni ia ka jingsdang jong kane ka juk sha ka jingkyrduh kaba jur kaba la pynjot ia ki riti dustur hyndai. Ki myntri rangbah ki la tyrwa ia ki jingthmu bapher bapher ban pynsngewthuh paidbah, kynthup ia ka jingpynmih ia ka phlim ba la buh jingthoh kaba lah ban wad bniah ia ki jingbatai stad saian kiba don shadien jong ki jingshisha ba kongsan jong ka geology.
Kane ka phlim kan long kum ka atiar kaba pynkhih mynsiem ban hikai ia ki paidbah shaphang ka jingdonkam jong ka khyndew jong ka juk Meghalaya.
. U la pyntip ruh ba ki don ki skhim kum ka CM-Elevate, kaba don ia ka bynta jong ka ram, kiba la pyniasoh lyngba ki bank bapher bapher. Ka CM-Elevate ka ai jingiarap haduh 70 percent na ka jinglut jingsep baroh ha ka projek.
Halor ka jingeh kaba iadei bad ka jingpyniasoh ia ki iew, u myntri rangbah u la ong ba ka sorkar ka la bat kti ia ki nongrep hynrei ki don ki jingeh. “Kum ka sorkar, ngi wanrah lang ïa ki nongrep bad ngi la sdang ïa ki jingïarap ha baroh ki kyrdan,
. Ban iarap ia ki nongrep, bad ban kyntiew ia ka rep ka riang bad ki kam kiba iadei bad kane, ka sorkar ka la sdang ia ki katto katne ki jingiarap, kynthup ia ka jingseng ia ki jaka pynkhreh ia ki mar ba la pynkiew dor, bad ka jingthmu ban seng ia palat 100 tylli ki iew jong ki nongrep. “Ngi pyrshang ban pynthikna ba ngi lah ban kyrshan ïa ki nongrep bad ki nongseng kam ha ki kyrdan bapher bapher. Katba ïadei bad ka jingïadei bad ki ïew ki hat, ngi pynbiang ïa ka leit ka wan lyngba ki kali agri 1917, ban buh ïa ki jaka pyntreikam, bad ban pynïasoh ïa ki nongrep sha ki ïew ki hat,” u la bynrap. Ha kane ka prokram la sam ïa ki Cheque sha ki nongïoh jingmyntoi na ka skhim FOCUS bad CM-Elevate.