Shillong, Kyllalyngkot 10: Wat la ka elekshon MP sha ka Lok Sabha ym pat pynbna na ka liang ka National People Party ka la dep pyn’khreh ia ki kyrtong na baroh ki ar tylli ki Konstituensi kata na Garo Hills bad Shillong Seat.
Na Garo Hills ka Agatha K. Sangma kan long ka kyrtong kaba dei ka MP ba mynta, na Shillong Seat Parliamentary ka National People’s Party (NPP) kala jied iaka kyrtong kaba kynsai tam da ka Myntri ka Tnad Kam Rep ka Dr.Kong Ampareen M. Lyngdoh.
Na ka Liang u Nongialam ka NPP na Garo Hills uba dei ruh u Myntri Sorkar MDA u Rakkam A Sangma mynta ka Shillong- Parliamentary Seat kan phyrnai bad thaba da ka Jainsem ha Lok Sabha haba iathuh sa ki lad pathai khubor ha Shillong.
U Rakkam haba pynroh ia ka Kong Ampareen ryngkat ka Jainsem ha Parliament, katno kan long ka jingsarong ia ka Shillong constituency”.
Ka NPP ka la ioh ia ka thei kynsai ula pynskhem ba kala jied da ka kynthei kaba biang tam naka bynta ka elekshon bad ula banjur ia ki paidbah ba kidei ban nang ban pynshong nongrim iano kin phah sha Delhi.
Ha ka jinglong Kyrpang ia ka Jylla Meghalaya ha kaba iadei bad ka jingai jait sha ka kmie bad ka long kaba kongsan ban jied ia ka kmie ban mihkhmat iaka Shillong Parliamentary Constituency sha Delhi kumta ki paidbah ka Shillong Parliamentary Konstituensi ki dei ban long kiba stad ban jied iathuh u Rakkam.
U Rakkam u bynrap da kaba phah ia Ka MP kynthei sha ka Parliament ka la ih bha bad biang bha ban khamtam haba la bhah 33 percent ia ki seat na ka bynta ki kynthei lyngba ka Women Reservation Act.
Ula pynpaw ba ka Dr. Ampareen kan phong da ka jaiñsem hapoh jong ka Parliament ryngkat iaka jingskhem jingmut ba ka Kong Ampareen kan jop ia ka elekshon bad ym iohi ba kan don kano kano ka daw ba ka NPP kan ym jop na Shillong bad Tura seat.
Ki paidbah ka Shillong kin sa sngewsarong ban iohi ba ka Dr. Ampareen kan kren hapoh Parliament ha kaba kan riam da ki riam tynrai” ula pynkut.