Shillong, Naiwieng 09 : Ka State Literary Award, ka dei ka mat iakren bad ba la shim rai da ka kynhun Kabinet kaba la dep shim Rai da ka Sorkar Meghalaya Democratic Alliance (MDA) pynsngew u Myntri Rangbah ka Jylla u Conrad K Sangma. U Myntri Rangbah u iathuh ka kynhun myntri kala shim rai ban wanrah noh da ka State Literary Award, ban ai khusnam sha ki Nongthoh kot ka Jylla kum shibynta ban lah pynriewspah ia ki artylli ki Ktien ki Thylliej ki trai Jylla-ka ktien Khasi bad Garo. Ka State Literary Award, ban ai khusnam sha ki Nongthoh kot ka Jylla kum shi bynta ban kyntiew bad pynriewspah ia ki Ktien ki Thylliej jong ngi -ka Ktien Khasi bad Garo bad ban pynkhlain ia ka jingdawa na ka Sorkar Pdeng ba kan pynrung noh ia kine ki Ktien jong ngi ha ka khyrnit ba phra jong ka riti synshar ka ri iathuh u Conrad K Sangma sha ki lad pathai khubor. Na ka jingiathuh u Çonrad K Sangma nalor ka Resolution bala mynjur da ka Iingdorbar Thaw Ain ban pynrung ia ka ktien Khasi bad Garo ha ka khyrnit ba phra jong ka Riti Synshar ka Ri bad shibynta ban pynbor ia ka Sorkar India ba kan ai jingmynjur, kane ka dei kawei ka lynti ban pynkhlain ia ka jingdawa jong ki paidbah. Katei ka Khusnam yn ai sha uwei/kawei na ki Nongthoh kot Khasi bad uwei/kawei na ki nongthoh kot Garo ha ryngkat ka song tyngka kaba T. 1 lak. Halor kane ka bynta yn thung ia ka Committee ka ban khlieh da u Director ba kan bishar ia ki kyrteng jong ki Nongthoh kot kiba thep kyrteng ban ioh ia kane ka khusnam ka ban long manla u snem. ka Committee kan sa aiti ia ka thup kyrteng sha ka Sorkar ba kan bishar iathuh u Çonrad K Sangma. Shillong, Naiwieng 09 : Ka State Literary Award, ka dei ka mat iakren bad ba la shim rai da ka kynhun Kabinet kaba la dep shim Rai da ka Sorkar Meghalaya Democratic Alliance (MDA) pynsngew u Myntri Rangbah ka Jylla u Conrad K Sangma.
U Myntri Rangbah u iathuh ka kynhun myntri kala shim rai ban wanrah noh da ka State Literary Award, ban ai khusnam sha ki Nongthoh kot ka Jylla kum shibynta ban lah pynriewspah ia ki artylli ki Ktien ki Thylliej ki trai Jylla-ka ktien Khasi bad Garo.
Ka State Literary Award, ban ai khusnam sha ki Nongthoh kot ka Jylla kum shi bynta ban kyntiew bad pynriewspah ia ki Ktien ki Thylliej jong ngi -ka Ktien Khasi bad Garo bad ban pynkhlain ia ka jingdawa na ka Sorkar Pdeng ba kan pynrung noh ia kine ki Ktien jong ngi ha ka khyrnit ba phra jong ka riti synshar ka ri iathuh u Conrad K Sangma sha ki lad pathai khubor.
Na ka jingiathuh u Çonrad K Sangma nalor ka Resolution bala mynjur da ka Iingdorbar Thaw Ain ban pynrung ia ka ktien Khasi bad Garo ha ka khyrnit ba phra jong ka Riti Synshar ka Ri bad shibynta ban pynbor ia ka Sorkar India ba kan ai jingmynjur, kane ka dei kawei ka lynti ban pynkhlain ia ka jingdawa jong ki paidbah.
Katei ka Khusnam yn ai sha uwei/kawei na ki Nongthoh kot Khasi bad uwei/kawei na ki nongthoh kot Garo ha ryngkat ka song tyngka kaba T. 1 lak.
Halor kane ka bynta yn thung ia ka Committee ka ban khlieh da u Director ba kan bishar ia ki kyrteng jong ki Nongthoh kot kiba thep kyrteng ban ioh ia kane ka khusnam ka ban long manla u snem.
ka Committee kan sa aiti ia ka thup kyrteng sha ka Sorkar ba kan bishar iathuh u Çonrad K Sangma.
