U Khlur ak phlim Tamil U Chandrasekharan Josph Viajy uba la ju tip kum u Vijay ha kane ka kynti kaba mynta un sa shimti kum u Chief Minister jong ka jylla Tamilnadu.
U Vijay u dei u khlur ak phlim tamil kata ha ka karkhana Kollywood bad kiba bun ki phlim kiba u ak dei ki phlim kiba iaid iew bha.
Lah ban kdew hangne ba wat ki nongieid peit phlim kiba na Meghalaya ki ithuh bha ia u actor vijay bad bun ki ju khot ia u actor bad kiba bun ki pynpaw ia ka jingsngewtynnad bad ong lah ki phlim south.
U vijay ha kane ka kynti kaba mynta un sa shimti kum u chief Minister jong ka jylla Tamilnadu bad wat la um law ban thaw sorkar marwei, hynrei la thikna ba un long u Chief Minister lyngba ka jingkyrshan jong kiwei pat ki party namar ka party jongu ka dei ka party kaba ioh bun tam ki MLA.
Lah ruh ban kdew hangne ba u Vijay u la thaw ia a party thymmai jongu ka TVK ha ka 2 tarik u Rymphang jong u snem 2024.
U vijay u la kyntiat ban iatreilang lypa bad ka BJP shuwa ka ilekshon bad lehse un nym iatreilang na ka bynta ban thaw ia ka sorkar kaba thymmai.
Ha kaba iadei bad ka kam ak phlim ka phlim kaba khatduh kaba u la ak shuwa ba un shimti pura kum u politician ka dei ka kaba kyrteng ka Jana Nayagan.
Haduh mynta ia kane ka phlim ym pat pyllait paitdbah ha ki cinema wat la ka la lait tuh bad don jingwit ban ioh ia ka certificate ban pyllait paidbah ha ki cinema bad la khmih lynti ba ia kane ka phlim yn sa lah ban pyllait paidbah noh shen.