Shillong, Nohprah 7: AR ngut ki rangbah kiba la mynsaw ha jingther kuli ha ki pulit Assam ha shnong Mukroh myn ha ka 22 tarik u Naiwieng bad ki la shah sumar ha NEIGHRIMS hospital ki la sdang ioh jingkoit. Kine ki Rangbah ki dei u Ma Elias Samayang bad u Ma Cheni Nartiang. Kine ki rangbah kila nang iohbor mynta bad la khmih lynti ba shen kin sa ioh ban leit phai noh shala ki jong ki baieid ba thoin hala shnong. U Myntri Sorkar bad Nongialam ka BJP Bah Sanbor Shullai, myn 7 tarik u Nohprah ula leit jngoh ia ki arngut ki rangbah. Ia u Bah Sanbor la synran da ki nongialam ka BJP, ki nongpyniaid ka hospital bad u Medical Superintendent ka NEIGRIHMS, u Dr. C Daniella uba la batai ia ka jinglong ka koit ka khiah jong kitei ki ar ngut, ha kaba u la iathuh ruh ba uwei na kitei un sa ioh mih noh lashai ka sngi katba uwei yn sa pyllait noh ha ki khyndiat sngi ban wan. Ha jingleit u Myntri u noh syniang ia kitei ki arngut da ka song tyngka ha ryngkat ka kitbok kitriang ba kin nang shait nang khlain noh. Halor ki jingeh jong ki Longiing Longsem jong kine ki Rangbah, une u Myntri Sorkar ula pyntip ba un sa iakren lashai ka sngi bad u Myntri Rangbah ka Jylla Conrad K Sangma ba un ai jingiarap pisa sha kitei ki Longiing. U Bah Sànbor Shullai ha ka jingleit jngoh jong u ia kitei Ki rangbah nong Mukroh ha Hospital u la khublei ia ki Doktor NEIGHRIMS ba ki la ài jingsumar bha ia ki. Da ka jingsngew diaw IA katei ka jingjia kaba la jia ha shnong Mukroh ka Sorkar MDA ka la dei ban ài jingiarap Lem ia kitei Kiba mynsaw, balei yn ài tang ia Kiba Khlad pynsngew u Bah Sànbor Shullai.Shillong, Nohprah 7: AR ngut ki rangbah kiba la mynsaw ha jingther kuli ha ki pulit Assam ha shnong Mukroh myn ha ka 22 tarik u Naiwieng bad ki la shah sumar ha NEIGHRIMS hospital ki la sdang ioh jingkoit.
Kine ki Rangbah ki dei u Ma Elias Samayang bad u Ma Cheni Nartiang. Kine ki rangbah kila nang iohbor mynta bad la khmih lynti ba shen kin sa ioh ban leit phai noh shala ki jong ki baieid ba thoin hala shnong.
U Myntri Sorkar bad Nongialam ka BJP Bah Sanbor Shullai, myn 7 tarik u Nohprah ula leit jngoh ia ki arngut ki rangbah.
Ia u Bah Sanbor la synran da ki nongialam ka BJP, ki nongpyniaid ka hospital bad u Medical Superintendent ka NEIGRIHMS, u Dr. C Daniella uba la batai ia ka jinglong ka koit ka khiah jong kitei ki ar ngut, ha kaba u la iathuh ruh ba uwei na kitei un sa ioh mih noh lashai ka sngi katba uwei yn sa pyllait noh ha ki khyndiat sngi ban wan.
Ha jingleit u Myntri u noh syniang ia kitei ki arngut da ka song tyngka ha ryngkat ka kitbok kitriang ba kin nang shait nang khlain noh.
Halor ki jingeh jong ki Longiing Longsem jong kine ki Rangbah, une u Myntri Sorkar ula pyntip ba un sa iakren lashai ka sngi bad u Myntri Rangbah ka Jylla Conrad K Sangma ba un ai jingiarap pisa sha kitei ki Longiing.
U Bah Sànbor Shullai ha ka jingleit jngoh jong u ia kitei Ki rangbah nong Mukroh ha Hospital u la khublei ia ki Doktor NEIGHRIMS ba ki la ài jingsumar bha ia ki.
Da ka jingsngew diaw IA katei ka jingjia kaba la jia ha shnong Mukroh ka Sorkar MDA ka la dei ban ài jingiarap Lem ia kitei Kiba mynsaw, balei yn ài tang ia Kiba Khlad pynsngew u Bah Sànbor Shullai.
