U Israel Ziv, uwei napdeng ki heh shipai ba la shongthait jong ka Ri Isreal ha ka sngi saitjain u la kylla long u shipai ban ioh ia ka jingiaroh namar u la leit ban iakhun pyrshah ia ki shipai Hamas ban leit pyllait im ia u khun jong u Paralok jong u uba la shah rahbor ha ki lehnoh Hamas.
Kane ka jingleit pyllait im jong utei u heh shipai ka long iasyriem kum ha ki phlim Bollywood kaba ngi ju iohi lyngba ki phlim, hynrei ma u u la leit ha ka thma kaba shisha ban iakhun ia ki lehnoh ban pyllait im ia u khun jong u paralok jong u hadien ba la iakhun ba kitei ki lehnoh.
Na ki khubor ba la ioh lum la iathuh ba u tei u heh shipai ba la shongthait jong ka Ri Isreal uba kyrteng u Isreal Ziv ha ka sngi saitjain katba u dang leit shangkai da ka bike u la ioh ia ka phone call ba ki lehnoh Hamas ki la wan thombor ha ha khappud Isreal bad ki la ioh ruh ban rahbor ia u khun jong u paralok jong u.
Hadien kane utei u heh shipai khlem da pynslem la leit phong ia ka unirom jong u bad u la rah tang da kawei ka pistol 9mm bad rah da kali audi ban leit iakhun pyrshah ia ki lehnoh hamas bad khamtam ban ioh pyllaitim ia u khun jong u Paralok jongu u Noam Tibon.
Lah iathuh ba une u heh shipai ba la shongthait u la ai jingmut ban ai tiar iakhun ia ki shipai ba la shongthait ban iakhun pyrshah ia ki lehnoh Hamas bad kane ka jingjia kaba u la iakhun ban pyllait im ia u khun u paralok jongu ka la pynlong ia ki bor sorkar Isreal bad ki shipai ban kyrshan ia ka jingai jingmut ban pynbiang tiar iakhun ia ki shipai ba la shongthait ban iada ia ka Ri Isreal.
U Ziv u la iathuh ba hadien ba la lut kuli ka pistol jong u u la shim noh da ki suloi jong ki shipai Isreal kiba la mynsaw ban iakhun ia ki Hamas. Kane ka khubor ka la saphriang kylleng ka Ri Isrela bad kiwei ki ri ban pyrto halor kane ka kam riewshlur jongutei u heh shipai ba la shongthait.