Ka iing Bishar Bahehduh ka Ri ka Supreme Court ka la shim ia ka jingshong Bishar ia ka jingshongkha para shynrang ne para kynthei ym lah ban ithuh da ka ain.

Shillong Risaw 17, – Ka iing Bishar Bahehduh ka Ri ka Supreme Court ka la shim ia ka jingshong Bishar ia ka jingshongkha para shynrang ne para kynthei ym lah ban ithuh da ka ain.
Ha ka jingshong bishar ia ka jingshongkha para shynrang ne para kynthei kam don ka jingithuh da ka ain, hadien San ngut ki nongbishar jong ka Supreme Court ki la shong bishar halor katei ka mokutduma ki kynthup ia u chief justice of india Dr Dhananjaya Yeshwant Chandrachut,bad saw ngut pat ki nongbishar Justice Sanjay Kishan Kaul, S Ravindra Bhat, Hima Kohli bad PS NArashimha.
Ka supreme court ka ong Ka jingshongkha para shynrang ne para kynthei kam don ka jingithuh da ka ain, bad ka Supreme Court ka iehnoh ka parliament ban shim iakai rai halor ka jing ia snongkha para kynthei ne shynrang.
Ka Supreme Court ka kyntait ia ka jingithuh da ka ain ia ka jingshongkha para kynthei ne shynrang, bad ka ong ba ka dei ka kamram jong ka parliament ban ia thaw ain halor kane , ka supreme court ka ong ba ki briew ki ba kwah ban shongkha para kynthei ne shynrang ki don ka hok ban jied ia ki u lok ne ka lok bad ba kine ki briew kin nym shah ibein ne peit poh.
Shuh shuh ruh la ong ba u Chief justice u Dy Chandrachan bad u justice SK Kaul, ki ong ba kito ki ba ia shongkha para kynthei ne shynrang ki lah ban tingkhun, hynrei u Justice Ravindra Bhat , Hima Kohli bad u justice PS Narashimha pat kim mmynjur iakatei ka rai .