Shillong –  Namar ka jingpynjah bad bam klop ia ka Pisa ka KHADC da ki nongtrei katei ka tnad kaba kynthup ia u Chowkidar uba la bamtuh haduh 37. 3 lak tyngka  un hap siew  haduh 10 hajar tyngka  shi bnai  bad u CFO ka tnad Forest  pat un hap siew 1 lak tyngka  shibnai  sha ka Council kum ka bai buria  ia kaba la pyndonkam bakla da kitei ki nongtrei ka KHADC la ïathuh u Bah Titustarwell Chyne Chief Exucutive Member ka KHADC ha ki lad pathai khubor ha Shillong hadien ka jingïalang jong ka EC.

    U Chowkidar u dei ruh uba bat ia ka Tnad Plantation ka Forest  ba la thung da ka Council  une u hap ban buria na ka pla lajong hadien ka iing Bishar ba donburom ka Jylla  High Court ka la dep pynkut ia ka jingtohkit ba la khlieh da ki pulit ha kaba ka Court ka la phah ia ka kaitphot  sha ka KHADC hadien ba ka CAG Report la lap ban kitei ki nongtrei ka Counsil ki la bamtuh ia ka pisa  bad ki la phla ha  IIng Bishar ba ki la leh bad ki la kular ban siew dep ïathuh u Bah TiTus.

 Shuh shuh katei  ka kaiphot jong ka High Court ka la dep bthah ia u Inquiry Ophisar ban tohkit  bad la dep ai jingmut  sha ka EC ban leh ia kaba donkam ïathuh utei CEM ka KHADC. Na ka liang  u CEM ha ka jingïathuh ha ki lad pathai khubor ha Shillong ba u CFO uba la bam ia ka pisa 5 lak 30 hajar tyngka  bad u hap ban siew dep.

Please Share this news

Leave a Reply

Your email address will not be published.