Shillong – U Myntri ka tnat Food, Civil Supplies and Consumer Affairs Bah Comingone Ymbon u la pynbna paidbah ban don ka Food Security Campaign’ hapoh Meghalaya ban pynkhlain iaka hok ioh marbam ki paidbah haba ai jingkren sha ki lad pathai khubor ha Shillong Press Club myn ha ka 13 tarik u Naiwieng.
Ia u Myntri la synran lang da u Pravin Bakshi uba dei Commissioner Secretary ka Food Civil Supplies and Consumer Affairs ban pyntip ia ka jingshngaiñ jong ki paidbah nongbam rashon.
Ka thong jong kane ka Mission ka dei ban pynsngewthuh iaki paidbah halor ka National Food Security Act (NFSA) 2013 naka bynta ban rat diengkhong iaka jingshah thngan hapoh ka Jylla.
U Ma Coming u iathuh kaba donkam mynta ban don ka jingialap paidbah, ki Drama, ki Film bad ki jingrwai ha ki rynsan Social Media bad lad pathai khubor ban pynsngewthuh paidbah halor ka NFSA 2013 khnang ba ki paidbah kin wan shakhmat ban pynrung kyrteng ialade ban ioh iaka Rashon Card.
Ka jingioh marbam ei kadei ruh naka bynta ban pynkhreh jong ka Jylla ban pyntreikam iaka One Nation One Ration Card scheme (ONORC) kaba hap lang haka NFSA 2013 ba ki paidbah ki dei ban shim khia.
Ha kane ka Mission, ka tnat kan shimkhia ban ai jinghikai paidbah halor ka jingdonkam ban don ia u Aadhar bad ban pyniasoh lang bad ka Rashon Card ban nym don ban lehthok haba iadei bad ka jingsam marbam sha ki longïing badei ban ioh” la ong u Bah Coming.
U Bah Coming ula ong ruh ba ha kane ka Mission ki paidbah kin ioh ruh ka jinghikai, kumno ban Applai Rashon Card, ban ujor shaka tnat lada don kano kano ka jingshah lehthok, ka jingpyndonkam ePoS bad kiwei kiwei de.