Shim ka Sorkar sienjam ban pynkylluid ia ka Sor Shillong namar ka jingkhapngiah.

Shillong, Naiwieng 17: Ka Sorkar MDA ha ka jingialam u Conrad K Sangma mynta ka la wanrah ia ka sienjam ban pynkylluid ia ka Sor Shillong namar ka jingkhapngiah palat jong ki paidbah bad ki jingbun jong ki kali.
Kumta ka sorkar Jylla haba ka la iohi ia kane na ka Liang u Myntri Rangbah ka Jylla u Conrad K Sangma u la ioh ban pynsngew paidbah lyngba ki lad pathai khubor.
U Myntri Rangbah u iathuh ba ka sorkar ka donkam ban pynkylluid shwa ia ki jingieng ki kali na surok na Barik Point sha Khyndailad khnang ban pynkylluid ia kane ka nongbah Shillong.
Kaei kaba u Myntri Rangbah ka jylla u iohi jngai ka dei ban pynkylluid ia ka Nongbah Shillong ka dei ban shna da ki lynti iaid na Suiñ.
Ka Sorkar kan ialeh shitom ban pynkylluid shwa ia lynti surok namar ka jingdheng kali, yn sa iaid shakhmat ia ka jingtei ia ka skywalk, bynrap u Conrad K Sangma.
U Myntri Rangbah hashwa ka Khristmas ne ha shwa u bnai Kyllalyngkot ne Rymphang, 2024, ka Nan Polok kan ioh ia ka jaka ieng kali kaba thymmai bad yn sa shna shuh shuh ia ki jaka ieng kali ha kylleng ki jaka.
Haoid ynda la sdang ka jingtei ia kane ka Skywalk kan sa don ka jingdheng kali kaba jur hangne, ha nongbah na kata ka daw donkam ban pynkynriah shwa ia ki kali kiba ieng ha ki surok bynrap u CM.
Shuh shuh u Myntri Rangbah u iathuh ka sorkar Jylla ban pynkylluid ia kane ka nongbah Shillong yn pynkynriah ia baroh ki ophis sorkar kiba don ha Shillong sha New Shillong, Mawdiangdiang.
Ban pynkylluid yn pynkynriah shwa ia ka Secretariat bad mynta ka kam ka la iaid shakhmat na bynta ban pynwandur bad kyrmen ba ha ki khyndiat bnai yn lah ban pynkhreh ia ka Design bad la buh thong ba ha une u snem mang tyngka yn sdang noh ia ka kam.
Na ka liang u Myntri Rangbah u khot ia ki kmie ki kpa ba kim dei ban pyndonkam ia ki kali shimet haba ki leit buh skul khun bad kumjuh ia ki nongtrei sorkar.