Shillong – Ka jingjaboh jong ka Wah Umkhrah ka la pynlong ia kiba bun ki paidbah ban buh jingkylli haduh katno u pud ka jingjaboh jong ka wah.
Na ka liang jong u nonglum khubor Antor uba la ioh ban iakynduh ia Ki nongsait jain lajong bad nongsaitjain nong ki la ong ba ka wah ka la jakhlia palat bad katkum ka jingthew, lah ban pyndonkam tang haba ai um ha lyngkha hynrei kam long ban pyndonkam kumba long myn shuwa.
Hadien ba la don ka jingpynkhuid ia katei ka wah Umkhrah da ki kynhun nongpynkhuid kum u Kot Khubor Shillong Times ka DC bad Kiwei pat Ki kynhun mynta ka la sdang ban iohi jingkhuid.
Dang shen ha Iing Dorbar Thaw Ain ka Jylla U Bah Adelberth Nongrum U la wànrah ia ka mat iatai bad pan jingshai ia ka Wah Umkhrah bad ka UMshyrpi.
Na ka liang u Myntri Hamletson Dohling ha kato ka pir u la ong ba katkum ka jingwanthew ka Central Pollution Control Board, New Delhi ia kane ka wah, la pynhap ha ka kyrdan ‘E’ kaba pyni ba ka biang tang ban ai um lyngkha, ban ai um ia ki karkhana.
Ha ka jingwad jingtip U nonglum khubor ka Meghalaya State Pollution Control Board ka long kaba peitngor ia ka jinglong ka um na ka Wah umkhrah hapoh ka National Water Monitoring Programme (NWM) ba la kyrshan pisa da ka CPCB ha ki saw jaka, ba kynthup ha Demthring, Urkaliar, Mawlai-Slaughter bad ha Mawpdang.
Ka jingpyntuid jaboh shuh shuh sha ka wah Umkhrah ka sorkar lyngba ka jingbthah jong ka Meghalaya State Pollution Control Board (MSPCB) ka la hukum ia ki hotel, guest house, restaurant bad kiwei ban buh da ki Effluent Treatment Plan (ETP’s), u la iathuh ruh ba haduh mynta kiba pyndonkam ia ki ETP’s ki long, 69 tylli ki hotel, 19 tylli ki guest house, 37 tylli ki restaurant, 4 tylli ki karkhana kali bad 11 tylli ki hospital kiba don ha ka nongbah Shillong hynrei ym lah ban pynthikna la ki treikam ne em katkum ka jingbthah.
Shuh shuh ha ka jingioh lum khubor Ki don katto katne Ki tylli ki iing ba la ba la lap da ka sorkar na ka thain Demthring-Urkaliar kiba pyntuid jaboh sha ka wah, ba ki don 35 tylli ki longing.
Bad mynta ka shong ha ka Sorkar ban Leh ia kaba dei la ban pyntreikam Ia Ki hukum ba baroh ki briew kim dei ban pyntuid jaboh sha wah bad ban bret ia ki jaboh ha ka rukom ba dei ne Shu ailad beit.