Shillong – Lai ngut ki nong pathai khubhor kiba kynthup ia u bah Markus Lyngdoh na u Shillong Mail,U Kyrwoh u Atiar u Bah Jeogee C. Jarain, Cameraperson ka Batesi TV. U Bah Ronald Stone Syiem na The Shillong Times ki la shah pynkup burom ha ka ka Rotary Club Orchid Shillong City na ka bynta u syniang u bynhei ba ki la noh sha ki paidbah lyngba ki jingpathai khubor jingtip jong ki katkum ka kam jong ki.
Ia katei ka jingpynburom ia kitei ki lai ngut ki nonglum khubor la pynlong ha Hotel Pine Wood myn ha ka 22 tarik u Jylliew ha ka jingialang ba lyngkot ba la pyniaid da ka President Shekhar Mehta’s ryngkat ki dkhot katei ka Rotary Club.
Ka jingpynkupburom ia ki lai ngut ki nonglum khubor bad nongring dur dei ha ka jingshakri kaba la slem ha ka kam bad ka jingthom jong ki ban lait na ka iap ka im haba ki iakynduh ha ka kam kaba shem iathuh u Sibhi Chakravarthy Sadhu, IAS, Director, Community & Rural Development Department kum kongsan haba khusnam ia kitei ki nonglum bad thoh khubor.
Kum ka jingpynithuh ia ka kam bad u syniang jong ki na ka liang ka Rotary Club Orchid Shillong City kum ka dak barit ki la pynkup da ka jain ryndia bad ka Memonto sha ki.