Shillong – Ka 6 tarik u Nohprah ka dei ka sngi kynmaw burom ia ka jingkhlad jong ka Phan Nonglait.
Ka Phan Nonglait ka dei ka nongialeh pyrshah ia ki phareng ha ka por u Syiem Tirot Sing Syiem jong ka Hima Nongkhlaw ha ki snem 1800.
Mynta ka Sorkar India ha ka jingialam u Prime Minister Modi u la ithuh ia ka Phan Nonglait kum ka Nongialeh laitluid bad ka riewshlur jong ka Bri U Hynñiewtrep.
Ka khana shaphang ka Phan Nonglait na ki jinglum khana hiar pateng bad ki kot kiba la thoh da u Bah Daniel Stone Lyngdoh Nonglait ba la thoh ha ka ktien phareng la ai kyrteng “Ka Phan Nonglait, A Lady Freedom Fighter of India”.
Na ki jingtip paidbah ba la ioh lum bad ki dur khih, ki kyrteng jaka ba la ai nam ha ka Phan Nonglait kum ka “Phan Nonglait Park kaba la ithuh da ka Sorkar mynshuwa ka dei ka Lady Hydery Park.
Mynta ka nam jong ka Phan Nonglait ka la saphriang kum ka kynthei riewshlur shaphang ki kam shlur jong ka, mynta kan nym sah shuh tang ha ka jingïathuh ktien ne ha ka jingïakhana pateng.
Shuh shuh na ki khanatang hiar pateng ka Phan Nonglait la iathuh ka dei ka nongsyntiat jong ki shipai u Tirot Sing Syiem ban ai jingtip ia ka jingleit jingwan jong ki Shipai British ha ki snem 1829-33.
Shaphang ka jingïeng ïaleh ka Phan Nonglait pyrshah ïa ki bor ka sorkar phareng ha Hima Nongkhlaw ha ki snem 1829 haduh 1833. Lyngba kane ka kot la ïoh jingtip kham bniah shuh shuh shaphang ki kam shlur jong ka. Baroh shi katta ki paidbah ki la shu tip ba ka Phan Nonglait, ka la riam ïa ki shipai phareng da kaba shu pynbiej ban ai kyiad ïa ki haduh ba kin da buaid bad ka shim bad buhrieh noh ïa ki suloi jong ki bad ki shipai u Tirot Sing, ki la pynïap duh kumba 32 ngut ki shipai u David Scott. Hynrei kane ka kot ka ïathuh ruh ba kumno ka Phan Nonglait, lyngba kane ka kam shlur, ka la leh ïa kiwei de ki kam shlur ha kaba kala ïalam bad pynkhih mynsiem ïa kiwei pat ki kynthei ha katei ka por ban ïeng pyrshah ïa ki bor shipai ka Hima Bilat haduh lai sien lai wat, hadien ba ka la lait phet na ka jingshah set ha ïing ne ka House Arrest kumba 3 sngi.
Ha kaba ialeh ban ai nam ia ka Phan Nonglait bad ki kam radbah jong ka Riewshlur kum ka riewkynthei kaba iada ia ki ri bad ka Iing lajong ka Phan Nonglait ka ïaleh pyrshah ïa ki shipai phareng ryngkat ka jingïatreilang bad u Tirot Sing Syiem, ki jong u Monbhut, u Lorshon Jaraiñ, u Kheiñ Kongor bad kiwei kiwei, ka dang don ha ki rta kumba 30, namar ïa ka Phan Nonglait la kha ha ka snem 1799. Hynrei ka mynsiem shlur jong ka, ka la ai mynsiem ïa kiwei pat ki kynthei ha Nongmai, ha Nongkhlaw, ha Mairang ban ïeng ïaleh ïa ki bor kiba nabar.
Ka Phan Nonglait ka la khlad noh na ka Pyrthei ha 6 tarik u Nohprah 1850 ha shnong Nongrmai na ka daw ka jingkoit jingkhiah ka Eastern West Khasi Hills mynta, Haduh mynta mynne ki kur ki khong Ka Phan Nonglait’ ki dang burom bad Kynmaw ia ka kyrteng bad ka kam ba ka la leh bad ka don ruh ka jingpynneh pynsah ia ka mati jong ka.
Ka Phan Nonglait, ka la leh ïa kine ki kam shlur, namar ka sngewthuh ba ka don ka bynta kaba khraw ban ïada ïa ka jingshah thombor ka jingshah leh beijot ki kynthei. Ka sngewthuh ruh ba ka hap ban ïada ïa ka khyndew ka shiyap na ka jingshah knieh na ka jingshah kurup ha ki bor kiba nabar, namar ka sngew trai ïa la ka jong.Ia ka Phan Nonglait kaba la kha ha u snem 1799, ha ka Shnong Rymmai kaba hap ha ka Hima Nongkhlaw.
Ka Phan Nonglait ka la dei ka riewkynthei kaba nyngkong na ki kynthei ka Bri U Hynñiewtrep ban long ka shipai ban iakhun ia ki phareng na ka Bynta ka jinglaitluid ka Jaitbynriew khasi.
U syniang jong ka Ka Phan Nonglait kaba lah ban pyndem stieh bad ki tiar thma jong ki shipai phareng ka la ia ka nam ban pynneh pynsah ia ki shnong ki thaw ki Um ki wah ha ka kyrteng jong katei ka Riewshlur kum ka kshaid Phan Nonglait’
Haba iaphai pat sha ki seng treimon sngewbha kum ka Khasi Students Union kaba ju iakhih, pyrta ia ka Jaitbynriew ban neh ban sah kum ka jingdawa ban pynkylla kyrteng ia ka Lady Hydery Park sha ka Phan Nonglait Park haduh ka Sorkar Jylla ka hap ban pyndem bad ithuh ia ka kyrteng ba la ju tyrwa da ka seng Samla Pule.
Kumjuh u Bah Mikhael Syiem u Nongialam ka Mait Shaphrang Movement uba la ju iakhih bad dawa sha ka sorkar Jylla ban ithuh ia ka Phan Nonglait’.
Haba peit sha ka Liang kiba haiing ha sem kum u Bah Daniel Stone Lyngdoh Nonglait’ uwei na ki Muktiar ka Supreme Court uba la wanrah ban don ka jingithuh na ki paid ka ri India bad ka Sorkar India da kaba u la lum thup ia ki kaiphot bad ki khanatang pateng ka Hima Nongkhlaw shaphang ka jingim bad jingialeh ka Meidot Phan Nonglait’.
Ki kam u Bah Daniel Stone Lyngdoh Nonglait’ kiba u la ioh ban wanrah ia ka nam ka Phan Nonglait’ lyngba ka kot ba u la thoh ka A Lady Freedom Fighter of India”. Ia kaba la pyllait paidbah da u Bah Jambor War, EM Incharge ka Elaka, ha District Council myn ha ka 29 tarik u Jymmang 2022
Ha u snem 1994 bad ha u snem 1995 ka Maitshaphrang ryngkat lang bad ka Seng Samla Jaïaw Laitdom ka la pynlong da ka drama surok kaba la ai kyrteng, “ka drama jong ka Phan Nonglait,’ ha ki bynta bapher bapher jong ka nongbah Shillong bad ha ka shong Nongkhlaw ha kaba la pynpaw pyrthei ïa u synñiang u bynhei jong ka Phan Nonglait ha ka jingïakhun laitluid. Ïa ka kot ba la thoh shaphang ka drama la pynmih paidbah bad ïa ka forwarding addrress la thoh da u (L) Barrister Pakem, u Vice Chancellor barim ka North Eastern Hill University.
Mynta ka Nam Phan Nonglait ka Sorkar India ka la ithuh ban pyndonburom kum riewshlur ialeh laitluid ka ri ha ka jingrakhe jong ka Ri India ia ka Azadi Ka Amrit Mahotsav, lyngba ka Ministry Arts Culture ka Sorkar India wat ka ka North East Zone Cultural Centre (NEZCC), Dimapur ka la Kynmaw burom ia katei ka Riewshlur da kaba pynlong prokram ryngkat ka jingiatreilang bad ka tnat pynneh riti jong ka sorkar jylla Meghalaya ha ka Shnong Rymmai myn ha ka 1 tarik tarik u Nailur 2022.