Yn kynduh mawsiang ka PNGRB ha ki projek hap aikam ia ki trai muluk ban suk ka jingtrei kam

Shillong. – Ka Jingialang iaphylliew jingmut halor ka kompani bad ka Corporate Gas ne ka Petroleum Natural Gas Regulatory Board (PNGRB) kaba long ha Vivanta Taj Hotel Shillong myn ha ka 8 tarik u Nohprah.
Ia katei ka jingialang la wan plie da u Symbud Myntri Rangbah ka jylla u Ma Sniawbhalang Dhar ba dei peit ia ki kam karkhana.
U Ma Dhar u la Ong ki kompeni jong ka Ri India kiba dei pyniaid ia ka lyer shet bad bad ka lyer ban pyndon kam ha kaba pyniaid iaki kali , ka long kaba don kam ban da ia phylliew jingmut ban lait ka jingyrwit.
Haba bynrap da kaba shai ba ki kompani kiba wan rah projek sha jylla Meghalaya ki dei ban pyrkhat shwa ia ki trai jylla ban lait ka jingeh.
Ba kum kane ka jingialang kaba heh kan don ha kane ka nongbah Shillong ba kumno ban pynioh ia ka lyer shet kaba khuid ban iarap ia ka mariang.
U la batai da kaba shai kdar ia ki kompani ba ka rukom bat khyndew ha kane ka jylla ka dei jong ki paidbah bad kan nym don kata ka jingioh ei bad haba la trei kam, yn ia kynduh mawsiang nalor ki trai khyndew, ka Tnad MeECL, ka tnad ka koit ka khiah, PWD, PHE, kin sa mad ia ki jingeh kumta donkam ia ka jingiamir jingmut.
.Lehse ba ka jingwan kine ki jingtei kam dei tang ban don ia ki jingtrei, hynrei kan long lat iohkam ioh jam ruh ia ki samla kane ka jylla, la ong ba ki samla kane ka jylla ki long kiba tbit hynrei donkam ban ai jinghikai ia ki.
Ha ka jingialang ka dei ka Wandana Sharma Secretary jong ka PNGRB, u A.K Tiawari dkhot jong ka PNGRB, u Dr. Anil Kumar Jain shongknor ka PNGRB , u Dr. Shakil P. Ahamed Additional Chief Secretary ka jylla Meghalaya, u Suresh P. Manglani CEO jong ka Adani Global Gas, bad u Sanjay Kumar na ka kompeni GAIL kiba la ai jingkren.
Baroh ki nongkren ha kane ka sngi kila pynpaw ba kane ka jingia thep kyrteng ban ioh trei na ka bynta ban pyniaid ia ka lyer shet, lyer ban pyndon kamha ki kali ha ki hynrrwei tylli ki jylla kane ka thain, katta Assam, Arunachal Pradesh, Meghalaya, Ngaland, Manipur, Mizoram bad Sikkim ia kane ka jingkhot tender yn pyndep ha ka u Rymphang 2024.