New jersey :Tyrwa ka FBI haduh 10,000 USD ia ki paitbah halor ka jingtip shaphang kawei ka samla pule ka ba na India ia ka ba la tip kyrteng kum ka ‘Mayushi Bhagat’ ka ba la jah na New jersey.
Ki khubor ki ba la ioh lum ki iathuh ba katei ka kynthei ka la jah mynta lah saw snem eiei, la iohi khatduh ia ka ha ka 29tarik jong u bnai April , 2019, ha ka por ba ka dang mih na ka jaka sah jong ka ha New Jersey.
Ki ba ha iing jong ka ki iathuh ba ha ka por ba ka mih na iing ka phong da ka ptlun ka babun rong bad ka phong ka sopti ka ba rong iong, ha ka 1 tarik jong u bnai may 2019 ki ba haiing jong ka ki la pyntip sha ki pulit halor ka jing jah jong ka na iing.
Mynta ki FBI Newark Field Office ha ryngkat ki Police Department jong ka Jersey City ki pan jing iarap na ki paitbah halor ka jingtip shaphang ka jing jah jong ka Mayushi Bhagat bad ban iarap ia ki ban wad ia ka . ka FBI ka tyrwa ruh da ka Song pisa ka ba haduh 10.000 usd ia ki briew ki ba la ban iathuh ia ki ia ka jaka ba ka Mayushi Bhagat don bad ka sah.