Shillong, Nohprah 28: Halor ka jingmih khubor ba kynnoh thmu thied helicopter ka Sorkar ban shakri ia ki VIP u Myntri Rangbah ka Jylla Conrad K Sangma, Conrad u kyntait ia ki jingkam jong kawei la lad pathai.
Na ka Liang u Myntri Rangbah u la aiti ha ka tnad DIPR bad ka tnad ba dei khmih ban khmih ban leh ia kaba donkam la ban dawa da ka mukotduma bai pynmynrain khmat.
Kawei ka kot Khubor kaba pynmih ia ka jingpyllait tender ban thied ia ka helicopter ban shakri ia ki Heh VIP.
Na ka Liang u Myntri Rangbah haba kyntait ia ka jingkynnoh kam long kaba shisha kata ka jingpyllait tender ba kum kane ka jingthmu namar ka jingrem dor ban thied kat ia ka helicopter nalor ka jinghap pynlut bad sumar ia ka.
U Conrad u kynthoh kane kam dei ka sien nyngkong ia kawei ka ka kot khubor ban kynnoh kynthoh khlem ki sabut kiba biang haba batai sha ki lad pathai khubor.
Ha ka sien ba nyngkong kajuh ka lad pathai ka thoh pyn bakla paidbah ba don ka jyrsieh ba T.1300 klur hapoh ka Tnad Tourism hynrei hadien la shem ba dei tang T.13 klur bad kam don hi ruh ka jyrsieh” ula ong.
Kat kum ka jingong jong u, ka Sorkar ka ju pyllait ia ka tender tang ban shu shim wai ia ka helicopter kata ruh ka shong ha ka jingpyndonkam ia ka bad siew ruh kat kum ka jingiaid ka kynta (hour basis). Kane ka dei kaba biang eh ban lait na ka jingpynlut kaba bun.
U Myntri Rangbah ka jylla u iathuh ban thoh ban pynshit paidbah tang lah ban khring paidbah shisngi thikna ba ki paidbah kin sa duh ka jingshaniah ia kum kane ka kot khubor kaba pynmih ia ki khubor lamler” ula bynrap.
