Kerala:katkum ka jingtip ka ba ka ioh ha na ka union Health Ministry jong ka ri India la ioh jingtip ba Khlad 5ngut ki briew ki ba ioh ia u ne u khniang jingpang covid 19 kata 2ngut ha ka jylla kerala 1 ha ka jylla Maharashtra, 1 ha ka jylla Puducherry, 1 Tamil Nadu . .
Katkum ki jingtip ba la ioh na ka Union Ministry,jong ka jylla Kerela la iathuh ba ka jing niew kyllum lang ia baroh ki briew ki ba ioh ia u ne u khniang jingpang Covid ka long haduh 4091 bad khlad 5 ngut ki briew katkum ki jingtip ki ba la ioh ban lum mynta ka sngi thongdieng.
Ha ka jylla Kerala ki don kumba 2552 ngut ki ba ioh ia u ne u khniang jingpang covid, 568 ngut ha ka jylla Karnataka , 369 ngut ha ka jylla Maharashtra bad 156 ngut ha ka jylla Tamil Nadu.
ka World Health Organization (WHO) ka la bthah ia ki ri jong ka pyrthei ban kin peitngor ia ka jingpang COVID-19 bad ban phah ruh mar kylliang ia ki jingiohlum jingtip haba iadei bad une u khñiang jingpang, namar la sdang ban kiew biang kiba ioh jingpang.
Ka WHO ka la pyni ia kawei ka dur video jong ka Dr Maria Van Kherkhove, kaba dei ka nongialam ba hakhmat ban peit bniah ia u khñiang jingpang COVID-19, ha kane ka video ka la batai ia ka daw ka jingkiew jong u khñiang jingpang COVID-19 bad batai ruh ba kumno dei ban sumar bad iada.
Ka jingai jing mut jong ka WHO, ka la wan hadien ba ka la don ka jing khiew jong u khñiang jingpang COVID-19, ha ki ri jong ka pyrthei kum ha ri Singapore ba u kobid ba thymmai bala tip kyrteng kum u JN.1 Omicron Sub-variant BA.2.86.