Mawkyrwat:08 kyllalyngkot 2024; Ka Seng Samla Shnong Mawkyrwat South West Khasi Hills District ha ka 6 tarik u kyllalyngkot 2024 kala ioh ban pynkutnoh ia ka jing rakhe lehkmen ia ka jing dap 30 snem jong ka jing iaid lynti jong ka Seng Samla Mawkyrwat da kaba buh ia ka Phang, “Ki samla ki nongpynbha bad ki nongtrei, ia ka mynta bad ka lawei ” ha kaba u bah Renikton L.Tongkhar MLA ka mawkyrwat u la long kum u kongsan u ba lawan pynkut noh ia kane ka ta iew lehkmen jong ki samla Mawkywat.Ka seng samla mawkyrwat kala ioh ruh ban pynlong ia shibun ki jing pyn byrngia ha baroh shita iew ha kaba ki la sdang naduh ka 23 tarik Nohprah 2023 bad pynkut noh haka 6 tarik u Kyllalyngkot 2024. Ki jing ialehkai kiba kynthup ia ka jing ialehkai tynrai kynting Mawsan, Mawpoint, ,Volly Ball, BasketBall, Tit dibit bad ki wei de, shuh shuh kila ioh ruh ban pynlong ia ka talent show ka sap ka phong jong ki samla , bad kajing ia kop Thei bad Rang bha briew jong ka Mawkyrwat.Ia ka nam Thei bha briew tam jong ka Mawkyrwat la ioh da ka Miss.Ibadapynhun Lyngkhoi ,bad ia ka nam Rangkynsai la ioh da u Mr, Pynbhalang Snaitang. Ha kane ka sngi la ioh jing kren lyngkot da u bah Kitborsing Lyngdoh president Seng Samla Shnong Mawkyrwat ba kum ka seng samla shnong shibun ki kam ba kila leh naka bynta ka shnong ha shibun ki jing eh ba ki ia kynduh haka jing iaid lynti jong ki kum ki samla kiba peit ia ki jingbha hapoh ka shnong ka thaw, ka jing pynlong ia kum kine ki jing ialehkai bapher bapher ka long ruh kum shi bynta ban tehsong ia ki khun samla hapoh ka shnong ban ia long ka wei bad ruh ban lait naki kam sniew khamtam ia u drok.Ha kane ka sngi la ioh ruh ban pynkup burom ia ki nongkitkam ba rim jong ka Seng Samla Shnong Mawkyrwat kumjuh ruh ia ki Rangbah shnong bad ka jing ai sngewbha ruh ia ki nong ia shimbynta bapher bapher ha kane ka jing rakhe ia ka jing dap 30 snem ka Seng Samla Shnong Mawkyrwat.Ha kane ka sngi nalor u kongsan bah Renikton L Tongkhar la ia donlang ruh u bah Robertjune kharjahrin ki nong kitkam jong ki Seng Samla Shnong ba marjan ki wei de ki riew rangbah kiba la shah khot sngewbha.
