Mawkyrwat 11 Kyllalyngkot: Ki nongialehkai Volleyball na ka Distrik South West Khasi Hills Mawkyrwat kin leit shim bynta ia ka jingialehkai Volleyball ha ka 5 Meghalaya Game kaba ban long ha Sorbah Tura ka ban long naduh ka 15 tarik u Kyllalyngkot ia ka ban wan plie pyrda da ka President ka Ri India ka Droupadi Murmu.
Ia ki nongialehkai Volleyball jong Distriik la kitbok kitrwiang da ka ka South West Khasi Hills District Vollyball Association mynta ka sngi ka 11 tarik u Kyllalyngkot 2024 da ki jing kyrkhu kyrdoh ia ki Rang bad ki thei ialehkai Volley ball ba kin wahrah ia ka jingjop.
U bah Elevenson Wanniang president jong ka South West Khasi Hills District Vollyball Association u la ong ba kane ka dei ka sien ba nyngkong ban ioh ia shimbynta ban mih khmat napoh ka district sha ka Meghalaya Games wat la ha ki por bala dep kila don ki samla napoh ka distrik kiba don ka sap kiba la paw ha ki kam ialehkai Volleyball.
Namarkata ha kane ka kynti ba mynta ka kynhun ka kitbok bad don jing kyrmen skhem ba lyngba kine ki samla kinsa wanrah ia ka nam jingjop bad ka burom kan leit ym tang ha ki hynrei ia ka district bad ia ka jylla hi baroh kawei. Shuh shuh u la kyntu ruh ia ki ba kin trei shitom ban don ka mynsiem ialeh bad kynmaw ruh ban long ki briew kiba bud ryntih ia ki kyndon haka Akor ban pyni ha ka pyrthei ba kum ki Samla kiba la nang la stad kiba don ia ka akor bad ka burom.
Naka liang u bah Edilbert Ïawphniaw bad u bah Sherbok Marbaniang ki riew rangbah jong ka thaiñ kila kitbok kit rwiang ia baroh ki ban sa leit ia shimbynta ban kin lait naki jing pang jing shitom ban ioh ia ka met kaba koid kaba khiah lyngba daka jing don ryngkat u Blei haduh ba kut jong ka jing ialehkai bad kyrmen ba ki samla kin sa wanrah ia u soh jong ka jingkmen.
Ha kane ka sngi la ia donlang ruh ka kong Balutmon Nengnong Napoh District Sports Officer DSO Mawkyrwat bah Edilbert Iawphniaw, Bah Sherbok Marbaniang, u bah Elevenson Wanniang president jong ka SWKHDVA bad ki Nongkitkam jong ka South West Khasi Hills District Volleyball Association ha ryngkat ki 18 ngut ki rang bad ki thei ialehkai Volleyball.