Shillong, K’Lyngkot 11: Ha Ka kyndon 10 (2) (vi) jong ka United Khasi Jaintia Hills District (Trading by Non-Tribals) Regulation, 1954 ka khanglad ban ai Trading Licence iaki bar Jylla, lada don ki trai ri trai muluk kiba lah ban trei iaka juh ka kam.
Hadien ba katei ka kyndon iakhaii khabar jong ka Jylla khamtam ha District Council ba bun ki trai muluk ki la lah ban leh na ka liang ka Khun Hynniewtrep National Awakening Movement (KHNAM) ka la leit ban pynher dorkhas sha u Chief Executive Member (CEM) ka Khasi Hills Autonomous District Council (KHADC)Bah Pyniaid Sing Syiem, myn ha ka 11 tarik u Kyllalyngkot 2024.
Ka KHNAM ha ka ialam u Working President ka Bah Thomas Passah u la pynhieng khmut iaka Executive Committe (EC) ka KHADC ka ba la shim khia ban leit khynra Trading License ha kylleng ki jaka kiba hap haka jingkhmih jong ka Council.
Hynrei ka don ka bynta jong ka KHADC ba kan pynmih daka jingpynbna (Notify) bala pyntreikam iaka kyndon 10 (2) (vi) jong ka United Khasi Jaintia Hills District (Trading by Non-Tribals) Regulation, 1954 iathuh u Bah Thomas Passah
Ka KHNAM ka iathuh wat lada ka Council ka la leit ban khynra Trading License hynrei ka long kaba donkam bha ban pynduh pyndam noh shi syndon ia ka jingai Trading License sha ki bar Jylla.
U Bah Thomas Passah u bynrap dei leh ia kaba donkam Ban lah iada ia ka khaii ka pateng jong ki trai Ri trai muluk, ka District Council kadei ban pynmih syndon daka jingpynbna (Notify) katkum ka Section 10 (2) (vi) jong ka United Khasi Jaintia Hills District (Trading by Non-Tribals) Regulation, 1954”
Na ka liang ka KHNAM kala dawa naka District Council ban pynbna (Notify) ha kaban nym ai Trading License shuh iaki bar Jylla kum ha Iewduh bad ha sor Shillong baroh kawei, ha Umsning, Khanapara bad Nongpoh Ri-bhoi District bad ha kiwei kiwei ki jaka.Ula ong ba kane ka jingdawa ban nym ai Trading License shuh iaki bar Jylla kadei namar ba ki don bun ki samla trai ri trai muluk kiba la nang ban trei iaki kam khamtam kum ha kane ka por ba kyrduh kam kyrduh jam.
