Kylla iong khlein ka wahduid ba tuid sha Imphal Valley namar ka jinglait jong ka umphniang diesel na ka Leimakhong Power Station

Manipur – Ka Sorkar Jylla kala hukum ia ka tnad ba dei khmih ba kan leh eiei mardor ha ka ban tem ia kane ka jinglait ka umphniang sha ka wahduid kaba lah ban buh jingma ia ka sawdong sawkun jong ka thain.
Kane ka la jia ha kawei ka wahduid ba tuid sha Imphal Valley kala kylla iong khlein namar ka jinglait jong ka umphniang diesel na ka Leimakhong Power Station ha kine ki sngi ba la dep.
Ka umphniang kala tuid sha ka wahduid kaba iaid lyngba ka Kantosabal, Sekmai bad kiwei kiwei. Kane ka wahduid ka dei ruh kaba iakynduh ia ka wah Imphal hadien ka jingiaid lyngba ka Khurkhul-Loitang-Kameng-Iroisemba-Nambul,” iathuh ki tyllong bor Sorkar na Manipur.
Hadien ba la don ka jingliat lait jong ka umphniang ka hukum kala ong “Baroh kiba dei khmih la kyntu ba kin lei eiei mardor, ban tehlakam ia ka jingjot jingjulor ka mariang bad ban pyndonkam ruh ia baroh ki tiar ba donkam la ka dei ha ki kor machine, ki briew bad ki stad ki jhad ban tem ia kane ka jinglait ka umphniang”.
Na ka liang u Myntri ka Tnad PHE Leishangthen Susindro Meitei bad u Myntri ka tnad Forest Thongam Biswajit Singh, kila leit ban jngoh ia kane ka jaka mar mar.
Ka Chief Minister’s Office (CMO) kala hukum ia ka tnad ba dei khmih ba kan leh eiei mardor ha ka ban tem ia kane ka jinglait ka umphniang sha ka wahduid kaba lah ban buh jingma ia ka sawdong sawkun jong ka.