Ri-Bhoi:Hadien 2 snem ka jingiaid lynti jong ka Kper Sara Village Organisation kaba don haka shnong Umling ha Ri Bhoi District ba ka la lah ban pyntyllun iaki kam hapoh katei ka shnong da kaba lumlang iaki longkmie ban don haki Self Help Group bapher bapher kat haduh ba la ioh ban seng sa ia ka Village Organisation, bad ban nang kham pynbha shuh shuh iaka jingtreikam jong kane ka kynhun kaba la long da ka jingtrei shitom jong ki nongialam kane ka kynhun, haka 11 tark u kyllalyngkot 2024 ka la ioh ban rakhe iaka jingdap ka ba 2 snem jong kane ka village organisation ha ka jingiadon lang da u MLA ka thain u Bah Mayral Born Syiem kum u kongsan, u bah balajied ranee u ba dei u MDC kum u symbud kongsan.
Ha kane ka jingrakhe ia ka jingdap 2 snem ba pura jong ka Kper Sara Village Organisation la iadonlang ruh u bah johnny rymbai u ba dei u cluster coordinator jong ka Umling C&RD block nangta u Rangbah shnong ka Shnong Umling u bah commenson wahlang ryngkat bad ki dkhot ka executive Committee member jong ka dorbar shnong kynthup de iaki nongialam jong ka VO kiba kynthup ia i kong Bidaliangcy Syngkli i ba dei i president jong ka V.O, I kong Shimtihun makri i ba dei i secretary , i kong merila lyngdoh iba dei I treasurer lem bad kiwei kiwei kynthup de iaki paidbah nongshongshnog.
Ha kane ka sngi na ka liang ki shg group bapher bapher ki ba don hapoh ka chatri jong ka V.O kper sara lem bad ki thei samla na ka ne ka shnong ki la pyni ia ki sap jong ki ha ka shad ka rwai , ka fancy dress lem bad ka skit.
Haba ai jingkren na ka liang ki nongkren ki la ai ia ka jingiaroh ia ka ki lynti iaid jong kane ka VO kat haduh ba kan jam sha une u snem, shuh shuh ki la ai mynsiem ruh ba kum ki nongialam ki dei ban don ja jingiatrei lang ,ka jingiasngewthuh kum ki nongialam ba kin nang lah ban trei kham bha shuh shuh bad ban kyntiew na uwei u snem sha uwei pat .