Ka BJP Meghalaya hapoh ka jingialam u state president u Rikman Momin bad u myntri sorkar jylla u Bah A L Hek ki la leit ban iakynduh ia u myntri korbar iing ka sorkar kmie u Amit Shah ha Shillong hynnin ka janmiet. Ha kane jingiakynduh la ioh ban iakren halor ki mat badonkam jong ka jylla kum ka jingithuh ia ka ktien Khasi bad Garo ha ka khyrngit ba phra, ka ILP bad ka jingplie ia ka lynti iaid sha ka iew iadie iathied jong ka thain shatei lam mihngi lymba ka jylla Meghalaya ia kaba u Amit Shah ula sngap thuh bad ula kohnguh ban bishar bniah halor kitei ki mat.U Amit Shah ula khot sngewbha ruh ia ki nongialam niam jong ka jylla sha nongbah Delhi hapoh ka jingialam u state president bad Bah A L Hek ban iakren halor ki jingdonkam haba iadei bad ka fcra bad ruh ia ka jingai jaka ha nongbah Delhi sha ka KJP Synod.
