Shillong, K’lyngkot 19: Hadien da ki kynta ba ka Voice People Party ka la pynlong ia ka jingiakhih ban shong kyllaiñ mungor hakhmat ka Secretariat la shah khang noh ha ki bor pyniaid District ka East Khasi Hills District. Na ka Liang u Symbud Myntri Rangbah ka Jylla Bah Prestone Tynsong ula dumok ia ka Seng VPP namar ba ka hikai ia u paidbah ban iakhih. U Bah Prestone Tynsong ba ki Ophisar ba la shongthait, kiba lah shah wengkam na Lokayukta ki dei kiba don jingiadei bad ki Nongialam ka Liang Pyrshah Voice of the People Party (VPP). Balei ba ki (MLA ka VPP) hap ban mih sha surok bad kren ia kine kiei kiei. Ngi la iohi ia ka shithi ba ki phah, Ngi la dep pule baroh bad ngi la dep ruh ban pynshai ba kine ki dei ki rule” ula ong bad bynrap Ka sorkar kam don jingbakla hangno hangno ruh bad ka rai bala shim daka Sorkar ban wanrah ia ki Ophisar kiba dang don ha ka jingshakri ha kine ki lai tylli ki kam”. Bad ka Sorkar kam khot ia ka VPP ban iakren satia Lada kwah ban iakren ai kin wan hi iathuh u Bah Prestone Tynsong. Nalor kane, u Symbud Myntri Rangbah ula iai ban ba ka Sorkar ka hap ban iaid kat kum ka Act bad ka Rule jong ka Lokayukta, kaba kren shai ba dei ki Ophisar ba dang don ha ka jingshakri, kiba hap thung hapoh ka Lokayukta.
