Shillong: Ka UDP bad ka HSPDP ha ka shatri jong ka Regional Democratic Alliance (RDA) ka la pdiang sngewbha ïa u kyrtong jong ka RDA na ka bynta ka ilekshon sha ka Lok Sabha na ka 1 ST Shillong (ST) Parliamentary Konstituensi u Robert June Kharjahrin ha Ophis treikam jong ka UDP myn ha ka 23 tarik u Kyllalyngkot 2024. Ha jingïalang kaba la long ha ka ophis jong ka UDP ha Bomfyle Road, Laitumkhrah Shillong u nongialam ka RDA u Bah Metbah Lyngdoh bad u Bah KP. Pangiang President ka Seng Hills State People Democratic Party ha ryngkat ki nongkitkam jong ki ar party. U Bah Robert June Kharjahrin u long kyrtong jong ka RDA ban iakhun ia ka elekshon MP pyrshah ia u Bah Vincent H Pala jong ka Seng Congress ha ki bnai ban wan. Kum ka jingpdiang burom ia u da ka RDA ban sdang ïa ka jingïalap election (launching of the campaign) na bynta ka Election MP 2024 kan long ka lynti banyngkong ia Utei u kyrtong uba la ieh ia ka kam seng Bhalang ban leit ngam noh sha ka pung saiñ pyrthei. Na ka Liang u Bah Metbah Lyngdoh Chairman RDA u la Kitbok kitrwiang ia u bah Kharjahrin ba un ioh ia ka jingjop. Kiba la ai jingkren ia u Bah KP Pangiang President ka HSPDP bad u kyrtong ba iamonlang Na ka liang u kyrtong monlang ka Regional Democratic Alliance (RDA) Robertjune Kharjahrin, u iathuh ba u kwah ban ialeh elekshon ka daw ba ka Meghalaya kam pat shym la ioh ia ka ILP.U iathuh la iohi ia u Bah Vincent Pala um lah ban iasaid na ka por sha ka por ban pyntreikam ka ILP hapoh ka Jylla” U kynthoh ba u MP ka Congress ba mynta ka Shillong Bah Vincent H Pala, ula ieng pyrshah ban pyntreikam ia ka Inner Line Permit (ILP) hapoh Meghalaya. Ka KHUBOR kaba shai sha baroh ki paidbah ka Jylla, ba lada ki kwah ban iohi ia ka jingpyntreikam ia ka Inner Line Permit (ILP), ki dei ban vote ia u kyrtong u ban iaid shispah na ka shipah ba pynioh ia ka ILP.
