India Shillong – U heh Pulit uba dei ruh u SP Shillong City u la ioh ka jingpynbna paidbah na ka Sorkar Jylla ba ka Ministry Home Affairs ka la ithuh ban ai khusnam Police Medal for Meritorious Service (MSM) bad un sa leit sha Nongbah Delhi ban leit shim na ka kti jong ka President ka Ri India ka Droupadi Murmu ha ki bnai ban wan. Na ka liang Bah Vivek Syiem u pynpaw ka jingkmen ia ka sorkar India ba ka ithuh ia ka kam jong ki pulit ka jylla ba ki la lah ban tehlakam ia ka suk ka saiñ bad ban pynduh jait ia u Drok. Dang shen ka Tnad pulit ha jylla ka la iakynduh ia ki jingeh bad ki paidbah namar ka jingiakhih ki seng Bhalang bad ki seng saiñ pyrthei kumba paw dang shen u Bah Vivek Syiem u la shah ñion ha ka Seng VPP ha ka jingdawa na ka sorkar ban thung biang ia ki dkhot ka Lokayukta ba la shah weng ha ka Sorkar MDA 2.
