Shillong – Ka skul Mission Upper Primary SSA School, Mawryngkneng ka la pynkylla khongpong bad pynnep jabieng ia ki heh sorkar heh pulit bad ki heh shipai kiba wan shim bynta ha ka Sngi Republic kaba la long ha Madan Polo myn ha ka 26 tarik u Kyllalyngkot 2024. Ka Skul Mission Upper Primary SSA School, Mawryngkneng kaba la mih khmat ia ka Block Mawryngkneng ha ka Republic Day ban pyni ia ki jingialehkai kilan met da ka jinghikai ia ki shipai kiba dang don ha ka ktem jinghikai. Ka Sap jong ki khynnah skul kiba la pyni ka la pynkyndit ia ki briew sorkar khamtam ia u DGP ka Jylla u Dr. Lajja Ram Bishnoi, IPS uba la khot ia kitei ki Khynnah skul ban shah shon dur lang bad u bad ka sorkar. Kitei ki khynnah skul kiba la ioh ban pyni ka sap jong ki, ha ka jinghikai por ba shah hikai KUMNO ban ialeh bad ki kynhun lehnoh kiba ialeh pyrshah ia ka imlang ka sahlang. Shuh shuh haba iohi ia ka jingriam uniphom jong ki Khynnah skul la kum ki shipai ialeh thma ban iada ia ka RI. Haba pyni ia ka sap jong ka skul Mawryngkneng ka la ioh ia ka nam ba ar.Na ka Liang u DGP u Dr. Lajja Ram Bishnoi, IPS u la sngewkmen palat bad iohi ia ka jingnang jingpnah jong ki khynnah skul Mission SSA Mawryngkneng ban pyndait riam kum ka dress shipai bad ki tupia phlang jyrngam. Na ka liang u DGP un la leit jngoh ia katei ka skul.
