Shillong, K’Lyngkot 29: Ki Mid Day Meal lane ki Cook cum Helpers napoh ka Jylla, kila leit ban kynduh ia u Secretary ka tnat Ministry of Education ka Sorkar Pdeng ban dawa kyntiew iaka bai nong jong ki shaka T.5000 man u bnai dang shen ha Nongbah ban pan jingshai ia ka hok jong ki ha kaba ka sorkar Jylla kam la leh ban ia ka bainong jong ki. Na ka liang ka President jong ka Cook cum Helpers Kong Banalist Syiem haba iakren sha ku lad pathai ha Shillong Press Club kala iathuh ba ka kynhun ha jingiakynduh ia u Secretary Ministry of Education ka Sorkar Pdeng haka 23 tarik mynta u bnai ban pyntip ban dawa kyntiew noh iaka bai nong naka bhah ka Sorkar Pdeng ka ban kot shaka T. 5000 lada kynthup lang ka bhah ban ioh naka Sorkar Jylla” ong ka Kong Banalist.Naka liang u Secretary ka tnat Ministry of Education ka Sorkar Pdeng ula kular ban shimkhia ia kane ban iakren bad ka Sorkar Pdeng”. Kumba 20 hajar ngut ki nongtrei ba shet ja ha ki skul ha baroh kawei ka Jylla bad ki ioh ka bai nong tang T.1100 naka Sorkar Jylla bad T. 900 naka Sorkar Pdeng.Kala pyntip ruh ba ki nongshet ja kila kyntu ia u Myntri Rangbah ka Jylla Assam u Himanta Biswa Sarma uba dei u nongialam ka thain shathei lammihngi (North East) ban iakren lem bad u Myntri Rangbahduh ka India u Narendra Modi halor kane ka jingdawa.
