Shillong, K’lyngkot 29: Ka Sorkar Jylla lyngba u myntri ka Tnad PWD Road myn ha ka 29 tarik u Kyllalyngkot 2024 ka la lum jingialang ia ki Ophisar ban tohkit bniah halor ki project shna surok jong ka skhim PMGSY-I bad PMGSY-II hapoh u bnai Lber 2024. Ka jylla Meghalaya kaba la sakhi ia ki projek shna surok ha ki shnong ki thaw ki sahkut lut na ka Liang ka Sorkar India kala buh por ia baroh ki Jylla ka Ri kynthup ka Meghalaya, ba kin pyndep lut noh ia baroh ki project shna surok jong ka skhim PMGSY-I bad PMGSY-II hapoh u bnai Lber 2024 iathuh u Bah Prestone Tynsong. Ha ka jingialang bishar kam bad ki Heh Ophisar, kaba iakren halor ka jingpyndep ia ki project jong ka PMGSY-I, II bad III ka Sorkar India ka la dumok ia ka sorkar Jylla ba dei ban pyndep lut hapoh u Bnai Lber.U Bah Prestone ula kam ba ka Sorkar naduh u snem 2018 kala pynlong ym duna ia ka T. 10,000 klur tang ha ka kam shna surok. Halor ka PMGSY-III, u Bah Prestone ula ong ba kila don katto katne ki contractor kiba la dep pyntrei ia ka kam ,ka PMGSY-III hi ka dei ka jingshna pynheh bad siang rong ia ki surok bala don lypa ha Jylla bad ka thong ka long 1250 Km.
