Shillong, Rymphang 01 : Haduh 207 tylli ki kali elektrik ban kit niut sha ki Block ka Ri-lum Khasi bad Jaintia la dep pyllait paidbah da u Myntri Rangbah ka Jylla Conrad K Sangma mynne ka sngi Palei, ha Madan Phutbol Kutkalang Ri-bhoi District. Ia kitei ki kali kit ñuit ba iaid da ka bording elektrik (e-Vehicle), la aiti ka sorkar sha ki Block bapher bapher jong ki 4 tylli ki District ka Ri-lum Khasi bad Jaintia ha kaba ki Bor pyniaid District bad ka Tnad PHE, MUDA ki la don bynta lang ban pynlong ia ka Meghalaya kaba khuid tam ha Ri India. U Conrad K Sàngma Myntri Rangbah haba ai jingkren ha katei ka sngi pyllait kali ñiut u la khot ia ki seng saiñ pyrthei ki briew ka jylla ban iatreilang bad ka sorkar ban pynlong ia ka Meghalaya kaba khuid tam ha RI India. U Myntri Rangbah u la kop ruh ka sorkar jong u ka iakynduh mawsiang ha u Snem 2018 por ba shimti nyngkong hynrei u sngew tynnad baroh ki seng saiñ pyrthei ki iatreilang Ka Swachh Bharat Mission (Grameen), kaba dei ka National Flagship Programme ka Sorkar India, ka don ia ka thong ban pynlong ia baroh ki shnong kum ki shnong ba khuid bad ba la don lut ia ki painkhana iathuh u Conrad K Sangma. U la bynrap tang 9 bnai ka sorkar ka la kot haduh 84.33% n aka 10% ha ka ODF plus, kine baroh ka dei ka jingaiti bad jingkut jingmut jong ka Sorkar bad ka Tnad ban trei kat kaba lah ha kaban kynjoh ia ka thong ban long kawei na ki 10 tylli ki Jylla ba hakhlieh duh jong ka Ri” Ki kali e-vehicle ka dei ka kali ban kit ia ki ñiut na ki shnong ban pynthikna b aka Sorkar ka treikam ha ryngkat ka jingiashimbynta lang jong ki Shnong ki thaw U Myntri Rangbah u la Ong naduh une u snem mang tyngka ba mynta, man k alai bnai, ha baroh ki District, Block bad ki Shnong, ka Sorkar lem bad ki Nongshongshnong kin iamih ban pynthymmai ia ka jingkut jingmut ban pynneh ia ka jingkhuid jong ka Sor bad ki shnong ki thaw” ula ong. U Myntri Rangbah ula pyllait ia kine ki kali ha ka jingiadon ryngkat u Symbud Myntri Rangbah Bah Sniawbhalang Dhar, Myntri ka Koit ka Khiah Kong Ampareen Lyngdoh, Myntri ka tnad PHE Marcuise N Marak bad kiwei kiwei.
