Shillong, Rymphang 16: Haba sdang ka Dorbar Mang Tyngka u Phagu Chauhan ha ka sngi Thohdieng ula matphang ia ka mat jingiathir ba ka Sorkar ka dei ban kloi ban iakren bad ka kynhun kiengatiar Hynniewtrep National Liberation Council (HNLC) hapoh ki kyndon jong ka Riti Synshar ka Ri bad kat kum ki kyndon jong ka Ministry of Home Affairs (MHA) iathuh u Lat ka Jylla. Lada kala don ia ka jingmut kaba skhem ban wanrah ia ka jingsuk ba shirta hapoh ka Jylla ka Sorkar ka don ia ka thong ban pynbeit. Ba ka jinglong jingman ka suk ka sain ha Jylla ka long kaba jai jai bha ha une u snem bala leit iathuh u Lat. U Lat ka Jylla u pynsngew ia ki dkhot ka Iing Dorbar Thaw Aiñ bad ia ka sorkar Jylla ba hadien ka jingiasoi ia ka MoU ha u 2022 ban pynbeit ia ki hynriew tylli ki jaka ba iakajia pud, ka kam leh survey kala sdang ha kaban phiah noh ia u pud u sam ba thik.
