Dang thoh Eksamin u Myntri tnad Kharkhana ba ai jingkylli ba eh ki Liang Pyrshah

Shillong – U Nongialam Rangbah ka Seng VPP u Bah ARDENT MILLER BASAIAWMOIT u la wanrah ia ka kynta jingkylli ha ka Dorbar Mang Tyngka ha ka Sngi kaba 4 da kaba buh jingkylli ia u Bah Sngiawbhalang Dhar Symbud Myntri Rangbah uba dei ruh u myntri ba peit ia ka Tnad Commeree & Industries ka la leh ka Sorkar ia ka
Mawmluh Cherra Cement Limited (MCCL).
Ka la siew pyndep ne em ia ka hok jong ki nongtrei katei ka Tnad bad kaei ka lad ka lynti ba ka sorkar ka la leh ban pyntyllun biang ia katei ka Kharkhana pynmih dewbilat.
Katno ka Sorkar ka la bei bad pynlut pisa shuh shuh kaei ka jingthmu jong katei Tnad ban pynbiang pynbit, kiba la kyrshan ia katei ka jingkylli ki long ka Miami D. Shira MLA Ampati, u Nongialam ka Liang Pyrshah u Bah Ronnie V Lyngdoh MLA ka Mylliem, Bah Charles Pyngrope.
Na ka Liang u Ma Sngiawbhalang Dhar Myntri haba jubab ia ka jingkylli u la iathuh ka Sorkar ka dang eksamin ia kane, bad kan leh ia kaba donkam namar ka Sorkar kan hap peit bniah.