Buh jingkylli u MLA Mawhati katno la mang pisa na ka CMYDF: 5.50 klur la mang:

Shillong, Rymphang 27: U MLA Congress na Mawhati u MLA Charles Marngar ha Sngi kut jong ka Dorbar Mang Tyngka ka 27 tarik u Rymphang u la buh jingkylli ia u Myntri ka Tnad ialehkai Bah Shakliar Warjri ha kaba Iadei bad ka Chief Minister Youth Development Scheme kumno la pyntreikam.
U Bah Charles Marngar ha jingkylli ban ioh jingshai na ka Sorkar ka don kano kano ka jingthmu ban bishar biang iaka rukom ai song pisa hapoh ka skhim kat kum ki jinglong ki constituency ia kaba u Myntri ula ong ba ka jingai song pisa ka dei kaba la pynshong nongrim n aka jingdon ki seng lane club kala register bad ka Deputy Commissioner bad kam dei kaba iaid kat kum ki constituency.
Na ka liang u Myntri u Bah Shakliar Warjri u Iathuh
la mang pisa haduh T. 5.50 klur ban pyntreikam ia ka Chief Minister Youth Development Scheme hapdeng u snem 2023-2024.
U Bah Shakliar Warjri u iathuh la ai T. 30 lal la ai sha ki Deputy Commissioner ka Shillong bad Tura katba T. 17 lak la ai sha ki 10 tylli kiwei pat ki District.
Shuh shuh haba jubab pat ia kawei ka jingkylli kaba wan na u MLA ka VPP na Nongkrem u pan jingtip la ia kane ka skhim lah ne em ban pyniaid lyngba ki MLA, u Myntri ulaong ba kane ka skhim ka dei kaba pyniaid lyngba ki DC bad ka Directorate of Sports & Youth Affairs.