Shillong:Shisngi shuwa ka sngi thep vote ka la mih ka jingpynsaphriang dur lyngba ki social media kum ka whatsapp, Facebook bad kiwei kaba kdew ba don ka khubor kyrpang na Meghalaya namar ki nongialam jong ka VPP ki la wah iakynduh ia ki nongialam jong ka BJP.
Katkum kane ka jingthoh ba la thoh ha ka ktien phareng ka kdew ba ki nongialam ka VPP ki la wad jingiarap da kaba ki kwah ban iakynduh ia ki nongialam jong ka VPP bad ba kin pyniasoh bad ka NDA ha ka 4 tarik jylliewKane ka jingsaphriang dur da ki briew ki bym lah ban tip ki la pyndonkam da kaba leh mynleh kumba ki shim ia kane ka dur na ka jingpynmih khubor jong kawei na ki lad pathai khubor na Assam ka North East Live.
Tang hadien katto katne por ba kane ka lad pathai khubor ka la ioh jingtip halor kane ka jingpynsaphriang khubor thok, ka la kyntait mardor ba kam shym la pynmih ia kaba kum kane ka khubor bad kane ka dei ka khubor lamler kaba la shu pyndonkam bakla da mano re, hynrei kam dei ka jingshisha ba la pynmih da kane ka lad pathai khubor.
Shuh shuh kane ka tnad pathai khubor ka la pynksan ba kam dei kaba la pynmih khubor da ma ki da kaba ong ba ki dak lane ki jingheh jingrit jong ki dak kiba la buh ha kane ka dur kim dei satia katkum jingleh kaba barabor jongki bad ki la ong ruh ba kane ka jingpynsaphriang khubor thok ka dei ka jingthmu ban pynthoh bria ia kane ka lad pathai khubor bad ki la pynrem bad dawa ruh ban pynshitom ia kiba donkti.
