Da ki phew klur kurup ka ECI ia ki tiar ki pisa kiba pynkheiñ ia ka Model of Conduct

Shillong: Ha ka bynta ban iaid beit ka elekshon ka ECI Meghalaya u Chief Electoral Officer (CRO) u Dr. BDR Tiwari u iathuh sha ki lad pathai khubor ba ka tnad lyngba ki bor pulit ba la ioh kurup ia ki tiar kum ka kyiad, drok kynthup ka pisa kiba iadei bad ka elekshon ha kane ka jylla, ka la kot sha ka 44 klur eiei. Haba pyntip halor kane mynta ka sngi, u Tiwari ula ong ba la ioh pdiang ruh 63 tylli ki jingujor kiba iadei bad ka kam elekshon. Ha kajuh ka por, ula ong ba la pyndon kam 18 hajar ngut ki nongpyniaid ia ka elek shon bad nalor ki nong iarap, ki draibar ka la kot sha ka 35 hajar ngut ha baroh kawei ka jylla.
Ki don ruh kumba 1900 ki briew kiba la ngat ha kine ki kam katkum ka CrPC namar ka jing pynkhein ia ki kyndon. Ha kaba iadei bad ka NPW, la ioh pdiang 252 tylli ki jingujor, bad 110 la pyn beit bad 132 ki dang sah teng bad 65 tylli la pyn phai sha kashari.