Ka Hynniewtrep Youth council (HYC) sengkmie mynta ka sngi palei ka 25 tarik u iaiong 2024,ka la hiar ban jurip ia jaka jong ka cantonment kaba don markhap bad ka them mator, hadien ba ka la ioh ka jing ujor na ki ba bun ki paidbah kiba iaid ba ieng, ia ka jing don ki briew ki ba ju mlien ban khaii ia u drug ha katei ka jaka tang mar ia Kem dum.
Ha ka jing hiar jurip jong ka HYC kala lap ba kitei ki jaka sah ki dei kiba la shna be-aiñ da ki bar jylla bad kala kylla syndon kum ka slum bad ka ktem jong ka jingdie ia ki jingdih kiba sniew. La kynnoh ba kine ki briew kila shna ia kine ki iing khlem da ioh jingbit.
U President ka HYC u Bah Roy Kupar Synrem, ula ong ba kine ki briew kiba sah be-aiñ ha kane ka jaka kila kam ba kila sah da ki phew snem hynrei kaba lyngngoh ka long ba kila shu tan be-aiñ ia ka bording elektrik bad ka MeECL kam shym la leh eiei ia kine kiba sah be-aiñ khlem da siew ia ka bai bording.
Shuh shuh la ioh jingtip ruh ba ki don ki briew kiba ju mlien ban khaii drug hynrei la ioh jingtip ia ka jing wan jong ka Seng ki la phet noh bad don kiba dang leit thep vote sha la ki jong ki jylla.
Ka HYC kala ioh jingtip ruh ba ka jingiohlad ki bar jylla ban sah ha katei ka jaka, kadei na ka jingaiwai ki khar metor hynrei naduh ba don ka jingiakhih ha u snem 2018, kine ki khar Motor kila sangeh noh ban baiwai. la iathuh ba ha ka por ba ka seng kala leit jurip ia kane ka jaka, kila don 4 ne 5 ngut kiba ju khaii drok, kila phet krad na katei ka jaka.