Ka All India Trinamool Congress (AITC) ka la mynjur ia u Vickey Dey ba un long u kyrtong u ban iakhun na ka party ha u 2023 na South Shillong Constituency bad ka kong Patricia Mukhim kan iakhun na Mawlai Constituency. Kane ka khubor thok ka la saphriang sted bha lyngba ki social Media kum ka Facebook, Whatsapp bad kiwei kiwei.

Lah ban kdew hangne ba u Vicky Dey u dei runar uba la shah thwet pulit khamtam halor ka jingkren isih ia ka jaidbynriew khasi bad ia kane ka mat la iakren ruh ha Iingdorbar thawain ka jylla.

Ka kong Patricia Mukhim ka dei ka nongtrei mon sngewbha bad kumjuh ruh kum ka nongthoh khubor bad ka bat ruh ia ka kyrdan kum ka Editor jong ka kot khubor The Shillong Times.

Kane ka khubor thok ka la saphriang sted hadien ka jingwan jngoh jong u Nongialam ka All India Trinamool Congress (AITC) uba bat kum u National General Secretary u Abhishek Banerjee.

Na ka liang jong ki nongialam jong ka AITC ki la ong ba kane ka khubor thok ka dei ka khubor na ka bynta ban pynjah burom ia ka party khamtam ka party ka thmu ban pyniakhun na baroh ki 60 tylli ki constituency ha u 2023.

Na ka liang jong ka kynhun ki trai nongpathai khubor hapoh ka shatri jong ka  Meghalaya Editors Publishers Association (MEPA) ka la pynrem jur halor kane ka khubor thok.