Shillong, Jymmang 16 :Ha ka kynrum kynram jong ka. jingthoh eksam CUET ki samla ka Jylla ban ioh leit sha ki post Graduate ba la pyniaid da ka Nodal Testing Agency ka dei ban shim ia ka jingkitkhlieh iathuh u Rakkam A Sangma Myntri ka tnad Pule Puthi ka Jylla.
Ka Sorkar Jylla kaba la thlieh ha ki lad pathai khubor bad Social media namar ka jingthet kti ba Kam dei ka bynta jong ka Sorkar Jylla dei jong ka Sorkar Pdeng kumta ka Sorkar Jylla Kam lah ban tuklar katkum ka jingkren u Rakkam A Sangma bad u Myntri Rangbah ka u Conrad K Sangma.
Shuh shuh ka NEHU kaba shim ban long ka Nongrap ban pynbiang ia ki jaka thoh eksam hynrei Kam lah ban pynbiang ia ka jingdonkam jong ki samla pule ba wan thoh eksam.
Katei ka jingduna ha ki bun ki Liang dei ka NTA hi Kam shym la iatreilang bad ka Sorkar Jylla haba ka pyniaid Kam shym la pynbiang ki mashin Biomatric iathuh u Rakkam A Sangma haba khot hajir ia ki heh ka NEHU bad ka NTA ha ka jingialang bala pynlong da u Myntri Rangbah ka Jylla Conrad K Sangma hynne ka sngi Thohdieng.
Ka Sorkar Jylla kala shimkhia halor ka rukom pyniaid ba kynrum kynram ia ka eksam Common University Entrance Test (CUET)-UG-2024 ha NEHU bad rai ban thoh mardor sha ka Sorkar Pdeng ban pyllait noh na ka CUET.
Ki samla pule kila shah ktah namar ka jinglong jingman kaba mih na ka jingthurmur ka rukom pyniaid ia ka eksam CUET-UG 2024 bala pynlong ha NEHU ha ka sngi Balang.
U Rakkam A Sangma ula ong “U CM ula shimkhia bha halor kane ka jingjia bad ula rai ban sa iakren bad ka Sorkar India bad ka NTA shuh shuh Kan thoh na ka bynta kito ki samla pule, kiba iakhun ia ka eksam CUET, ban leit rung klas ha NEHU hi bad ban ailad biang ia ki sa shisen bad ia kito ki samla, kiba iakhun ban ioh rung klas ha ki college ba iasoi bad ka NEHU, ba kin pyllait noh mynta u snem naka CUET”
Namar kata, ka CUET ka la kylla Issue ka sorkar jylla ka wanrah iala ka jong ka State University. Kiba bun ki College kiba iasoh bad ka NEHU, ki lah ban ai rai ban iasoh noh bad ka Captain Williamson Sangma State University” iathuh u Rakkam.
“(Hapdeng ka jingialang), ki Heh ka NEHU kila pyntip ia ngi ba dei ha ka khyllipmat ba khatduh, ka NTA kala pyntip ia ki borkhmih ka NEHU ha ka 14 tarik Jymmang por 6 baje janmiet ba ki dei ban long kiba la pynkhreh ia 2000 ngut ki samla pule hynrei ha shiteng miet, ka NTA kala pyntip pat ban long kiba la khreh sa ia kumba 4000 ngut ki samla pule. Kumta ki khlem don por shuh ban pynkhreh namar ka jingbym biang ka jingaiktien na ka NTA” ula ong.
“Ka NTA bad ki heh ka NEHU kila pyntip ia ngi ba tang kawei ka kynthei, kawei ka samla kim shym la lah ban iakhun ia ka eksam CUET hynnin ka sngi. Hynrei, kala don ka jingslem. Ki don katto katne ki jingthut ha ka biometric bad dei hadien ba ai dak ka NTA, kila lah ban pynlong ia ka eksam khlem da pyndonkam shuh ia ki biometric” ula bynrap.